اقش مەملەكەتتىك دەپارتامەنتى پالەستينا اۆتونومياسى مەن پالەستينانى ازات ەتۋ ۇيىمىنىڭ وكىلدەرىنە ۆيزا بەرۋدەن باس تارتاتىنىن مالىمدەدى. بۇل شەشىم ترامپ اكىمشىلىگىنىڭ پالەستينانى حالىقارالىق ارەنادا تانۋعا ۇمتىلعان ارەكەتتەرىنە جاۋاپ رەتىندە قابىلداندى.

ۆاشينگتون مالىمدەمەسىندە پالەستينا ۇيىمدارى "يزرايلمەن قاقتىعىستى ينتەرناتسيونالداندىرۋعا، حالىقارالىق سوتتارعا جۇگىنۋگە تىرىسۋدا" دەپ ايىپتالدى. سونىمەن قاتار، پالەستينالىق تەرروريستەر مەن ولاردىڭ وتباسىلارىنا جاسالاتىن تولەمدەر مەن جەڭىلدىكتەر سىنعا الىندى.

سانكتسيالار وسلو كەلىسىمدەرى اياسىندا قۇرىلعان پالەستينا اكىمشىلىگى مەن ونىڭ وكىلى – پالەستينانى ازات ەتۋ ۇيىمىن قامتيدى. بۇعان دەيىن فرانتسيا، ۇلىبريتانيا جانە كانادا پالەستينانى دەربەس مەملەكەت رەتىندە تانۋعا دايىن ەكەنىن مالىمدەگەن ەدى.

يزرايل بۇل شەشىمدى قۇپتاپ، اقش-قا العىس ايتتى. ال پالەستينالىق ساياساتكەرلەر ۆاشينگتوننىڭ بۇل ارەكەتىن "جابىرلەنۋشىنى جازالاۋ" دەپ اتادى. پالەستينانىڭ بۇۇ-داعى ەلشىسى مەن ورىنباسارى – اقش ازاماتتارى، سوندىقتان بۇل شارانىڭ ولار ءۇشىن قولدانىلاتىنى ازىرگە بەلگىسىز.