2025 جىلعى 12 تامىز كۇنى باتىس قازاقستان وبلىسىنىڭ اكىمى ناريمان تورەعاليەۆ ورال قالاسى مەن بايتەرەك اۋدانىندا ءبىلىم بەرۋ سالاسىنداعى بىرقاتار الەۋمەتتىك نىسانداردىڭ قۇرىلىس بارىسىمەن تانىستى.

جۇمىس ساپارى بارىسىندا ءوڭىر باسشىسى مەكتەپ ينفراقۇرىلىمىن جاڭعىرتۋ مەن كەڭەيتۋگە باعىتتالعان «كەلەشەك مەكتەپتەر» جوباسى اياسىندا سالىنىپ جاتقان نىسانداردى ارالادى.

العاشقى نىسان – ورال قالاسىنداعى №8 ورتا مەكتەپ. مۇندا جاڭا وقۋ كورپۋسىنىڭ قۇرىلىسى قارقىندى ءجۇرىپ جاتىر. اكىم قۇرىلىس جۇمىستارىنىڭ كەستەگە ساي جانە ساپالى ورىندالۋىنىڭ ماڭىزدىلىعىن اتاپ ءوتىپ، جاڭا مەكتەپتەر زاماناۋي ستاندارتتارعا ساي بولۋى ءتيىس ەكەنىن جانە وقۋشىلار مەن ۇستازدارعا بارىنشا جايلى جاعداي جاسالۋى كەرەكتىگىن ايتتى.

ودان كەيىن ناريمان تورەعاليەۆ بايتەرەك اۋدانىنا قاراستى بايقونىس جانە دوستىق اۋىلدارىندا بولدى. مۇندا 600 جانە 1200 ورىندىق زاماناۋي مەكتەپتەر بوي كوتەرۋدە. بۇل نىساندار وقۋشى سانىنىڭ ارتۋىن ەسكەرىپ جانە قولدانىستاعى مەكتەپتەردىڭ جۇكتەمەسىن ازايتۋ ماقساتىندا سالىنۋدا.

ساپار قورىتىندىسىندا وبلىس اكىمى مەردىگەر ۇيىمدارعا قۇرىلىس جۇمىستارىن ۋاقىتىلى اياقتاۋدى تاپسىردى جانە جاۋاپتى مەكەمەلەرگە بۇل ماسەلەنى تۇراقتى باقىلاۋدا ۇستاۋدى جۇكتەدى.

— «ءبىز زاماناۋي مەكتەپتەر سالۋ بويىنشا اۋقىمدى باعدارلامانى جۇزەگە اسىرىپ جاتىرمىز. بۇل – ءوڭىردىڭ بولاشاعىنا، بالالارىمىزدىڭ ساپالى ءبىلىم الۋىنا سالىنعان ينۆەستيتسيا. مەملەكەت باسشىسى قاسىم-جومارت كەمەلۇلى توقاەۆ ءاربىر مەكتەپ تەك عيمارات قانا ەمەس، ءبىلىمنىڭ، شىعارماشىلىقتىڭ جانە تاربيەنىڭ ورتالىعى بولۋى ءتيىس ەكەنىن ەرەكشە اتاپ وتەدى. سوندىقتان ءبىز جۇمىستاردىڭ ساپاسىن جوعارى دەڭگەيدە قامتاماسىز ەتىپ، وقۋشىلار مەن مۇعالىمدەر ءۇشىن بارىنشا قولايلى جاعداي جاساۋىمىز كەرەك»، – دەدى ءوڭىر باسشىسى.

Abai.kz