تامىز ايىندا پاتەر جالداۋ باعاسى مامىرمەن سالىستىرعاندا 20%-عا دەيىن ءوستى. مامانداردىڭ سوزىنشە، باعانىڭ ءوسۋى ستۋدەنتتەردىڭ دەمالىستان كەيىن ءىرى قالالارعا قايتا ورالۋىنا بايلانىستى باستالعان.

OLX.KZ تالداۋ قىزمەتى ءار تامىزدا قازاقستاننىڭ ءىرى قالالارىندا ستۋدەنتتەردىڭ اراسىندا تۇرعىن ءۇي جالداۋعا تالاس باستالاتىنىن ايتادى. مىڭداعان ستۋدەنت دەمالىستان ورالىپ، جاپپاي جالدامالى پاتەر نارىعىنا شىعادى. ءۇي جالداعاندا ستۋدەنتتەر حوستەلدەن ورىن برونداۋدى نەمەسە پاتەردى بىرنەشە ادام بىرىگىپ الۋدى ءجون كورەدى. جالپى ەل بويىنشا پاتەر مەن حوستەل جالداۋ بويىنشا ىزدەۋ سۇرانىستارى ارتقان.

الماتى

تامىزدا ءبىر بولمەلى پاتەرلەر – تۇرعىن ءۇي كوشىن باستادى، ناقتى ايتقاندا 12 مىڭ سۇرانىس بولدى. ولاردىڭ باعاسى ءبىر ايدا 6%-عا (10 مىڭ تەڭگەگە) ءوسىپ، 160 مىڭ تەڭگەگە جەتتى. ەكى بولمەلى پاتەرگە سۇرانىس 8,9 مىڭعا دەيىن تومەندەدى، باعا سول دەڭگەيدە قالدى، 200 مىڭ تەڭگە. ءۇش بولمەلى پاتەرلەردىڭ باعاسى بىردەن 20%-عا كوتەرىلدى، 200 مىڭنان 250 مىڭ تەڭگەگە دەيىن.

استانا

استانادا ءبىر بولمەلى پاتەرگە سۇرانىس ورتا ەسەپپەن 27%-عا ارتتى. باعاسى ورتاشا ەسەپپەن 140 مىڭ تەڭگە كولەمىندە ساقتالۋدا. ال ەكى جانە ءۇش بولمەلى پاتەرلەردىڭ باعاسى 10–12%-عا ءوستى. ەكى بولمەلى مەن ءۇش بولمەلى پاتەرلەر الماتىداعى باعامەن بىردەي جالعا بەرىلۋدە.

شىمكەنت

شىمكەنتتە ەكى بولمەلى پاتەرلەرگە سۇرانىس ءجيى تۇسۋدە. سۇرانىس سانى 800-گە ءوسىپ، 3,8 مىڭعا جەتتى. ەكى بولمەلى پاتەرلەردىڭ جالداۋ اقىسى 10 مىڭ تەڭگەگە قىمباتتاپ، مەدياندىق باعا 149 مىڭ تەڭگە بولدى. ءبىر بولمەلى پاتەرلەردىڭ جالداۋ اقىسى بىردەن 15 مىڭ تەڭگەگە كوتەرىلىپ، 120 مىڭ تەڭگەگە جەتتى. ءۇش بولمەلى پاتەرلەر 20 مىڭ تەڭگەگە قىمباتتاپ، 175 مىڭ تەڭگەنى قۇرادى.

حوستەلدەر

الماتىدا حوستەلدەرگە سۇرانىس 30%-عا، استانادا ەكى ەسە دەرلىك ءوستى. شىمكەنتتە حوستەلگە سۇرانىس 39%-عا ارتتى. باعاسى بىلتىرعىدان وزگەرمەگەن، تەك شىمكەنتتە 10%-عا تومەندەگەن.

Abai.kz