سەنبى, 6 قىركۇيەك 2025
جاڭالىقتار 619 0 پىكىر 4 قىركۇيەك, 2025 ساعات 14:52

پەريزات قايراتتىڭ مۇلكى اۋكتسيونعا شىعارىلادى

سۋرەت: Ulysmedia.kz سايتىنان الىندى

«Biz birgemiz» قايىرىمدىلىق قورىنىڭ بۇرىنعى جەتەكشىسى پەريزات قايراتتىڭ مۇلكى اۋكتسيون ارقىلى ساتىلادى. بۇل تۋرالى قارجىلىق مونيتورينگ اگەنتتىگى توراعاسىنىڭ ورىنباسارى جەڭىس ەلەمەسوۆ ايتتى.

«بۇگىنگە ەشقانداي وزگەرىس جوق، قاداعالاپ وتىرمىز. ءتيىستى اپپەلياتسيالىق شاعىم تۇسكەن كەزدە ول جايىندا بىلەسىزدەر. سوت ۇكىمىنە سايكەس، سوت ورىنداۋشىلارى ونىڭ مۇلكىن اۋكتسيونعا شىعارىپ ساتادى. سول قاراجات ەسەبىنەن زارداپ شەگۋشىلەردىڭ شىعىنى وتەلەدى»، - دەدى ول سەناتتىڭ جالپى وتىرىسىنان كەيىن باق وكىلدەرىنىڭ ساۋالىنا وراي.

ونىڭ اتاپ وتۋىنشە، قايرات پەريزات قور ەسەپشوتىنا تۇسكەن قاراجاتتى ءوزى عانا يگەرگەن. قور قاراجاتىن تالان-تاراجعا سالعان باسقا تۇلعالار انىقتالعان جوق.

ايتا كەتەيىك، شىلدە ايىندا ەلوردا سوتى پەريزات قايراتقا 10 جىل مەرزىمگە باس بوستاندىعىنان ايىرۋ جازاسىن بەلگىلەدى. ال اناسى عايني الاشباەۆا 7 جىل مەرزىمگە باس بوستاندىعىنان ايىرىلدى.

Abai.kz

0 پىكىر