قازاقستان رەسپۋبليكاسى پارلامەنتى سەناتىنىڭ دەپۋتاتى عالياسقار سارىباەۆ ەۋرازيالىق حالىقارالىق زەرتتەۋلەر قاۋىمداستىعى مەن قىتاي زەرتتەۋشىلەر قاۋىمداستىعى ۇيىمداستىرعان «شىۇ تيانتسزين ءسامميتى: ورتالىق ازياعا ارنالعان ساباق پەن كەلەشەك تۋرالى» كونفەرەنتسياسىنا قاتىستى.

كونفەرەنتسيا شانحاي ىنتىماقتاستىق ۇيىمىنىڭ تيانتسزين ءسامميتىنىڭ قورىتىندىلارىن تالداۋعا جانە وڭىردەگى كوپجاقتى ءوزارا ءىس-قيمىلدى ودان ءارى دامىتۋ جونىندە ۇسىنىستار ازىرلەۋگە ارنالدى. قاتىسۋشىلار قابىلدانعان شەشىمدەر ساياسي ديالوگتى نىعايتۋ، ەكونوميكالىق ينتەگراتسيا جانە ورتالىق ازيا ەلدەرى اراسىنداعى گۋمانيتارلىق بايلانىستاردى كەڭەيتۋگە جاڭا مۇمكىندىكتەر اشاتىنىن اتاپ ءوتتى.

سۋرەتتى تۇسىرگەن: ا.بايجۇمانوۆ.

سپيكەرلەردىڭ سوزدەرىندە قازىرگى زامانعى سىن-قاتەرگە: وڭىرلىك قاۋىپسىزدىكتى قامتاماسىز ەتۋ، كولىك-لوگيستيكالىق ينفراقۇرىلىمدى دامىتۋ، ەنەرگەتيكالىق ىنتىماقتاستىق جانە تسيفرلىق ترانسفورماتسياعا قارسى ءىس-قيمىلدا بىرلەسكەن كۇش-جىگەرگە ەرەكشە نازار اۋدارىلدى.

«بۇگىن بىزگە تيانتسزين كەزدەسۋىنىڭ ساباقتارىن تۇسىنۋمەن قاتار، مەملەكەتتەرىمىزدىڭ مۇددەلەرى مەن باسىمدىقتارىن نەگىزگە الا وتىرىپ، بۇدان بىلايعى ىنتىماقتاستىق باعىتتارىن ايقىنداۋ ماڭىزدى. ورتالىق ازيا وڭىرلىك ينتەگراتسيانى نىعايتۋدا جانە تۇتاستاي العاندا شىۇ-نى دامىتۋدا نەگىزگى بۋىن بولۋى ءتيىس. شىۇ دەكلاراتسياسىندا كورسەتىلگەن نەگىزگى ماسەلەلەر قازاقستان رەسپۋبليكاسى پرەزيدەنتىنىڭ جولداۋىندا جالعاسىن تاپتى، وندا نەگىزگى ستراتەگيالىق باسىمدىقتار – ورنىقتى دامۋ، تەحنولوگيالىق ترانسفورماتسيا جانە وڭىرلىك قاۋىپسىزدىك تۋرالى ايتىلدى», - دەپ اتاپ ءوتتى سەناتور.

Abai.kz