يزرايل اسكەرىنىڭ مالىمدەۋىنشە، سوڭعى تاۋلىك ىشىندە گازا قالاسىنان تاعى ون مىڭداعان پالەستينالىق كەتكەن، دەپ حابارلايدى The Times of Israel. 

وسىلايشا يزرايل قورعانىس اسكەرىنىڭ باعالاۋىنشا، سوڭعى اپتالاردا ەۆاكۋاتسيالانعان تۇرعىنداردىڭ جالپى سانى 300 مىڭنان استى

گازا قالاسىنداعى شايقاستار كۇشەيىپ جاتىر، ال پالەستينالىقتار ءيزرايلدىڭ قالانى باسىپ الۋ جوسپارلارى اياسىندا قاشۋىن جالعاستىرىپ كەلەدى.

قۇرلىقتاعى شابۋىل الدىندا ەۆاكۋاتسيا جاريالانعاننان كەيىن سولتۇستىك سەكتورداعى باس قالانىڭ 300 مىڭعا جۋىق تۇرعىنى وڭتۇستىككە قاراي بەت الدى.

جەكسەنبى كۇنى يزرايل قورعانىس كۇشتەرى بولەك ەۆاكۋاتسيا تۋرالى ەسكەرتۋ جاساعاننان كەيىن گازاداعى ءتورت كوپقاباتتى ۇيگە سوققى جاسادى. اسكەريلەردىڭ مالىمدەۋىنشە، عيماراتتاردىڭ اراسىندا حاماس قولدانىپ جاتقان ۋنيۆەرسيتەت بار.

20 تامىزدا يزرايل ارمياسى گازا قالاسىنا باسىپ كىرۋىن باستادى. وپەراتسياعا «گيدەون اربالارى-2» اتاۋى بەرىلدى.

يزرايل بۇل قالانى حاماس-تىڭ سوڭعى بەكىنىستەرىنىڭ ءبىرى دەپ اتايتىنىن مالىمدەپ، رەزەرۆتەن 60 مىڭ اسكەردى شاقىرىپ، 20 مىڭ رەزەرۆشىنىڭ قىزمەت كورسەتۋ مەرزىمىن ۇزارتتى.

ەسكە سالا كەتسەك، يزرايل گازا قالاسىنا باسىپ كىرەر الدىندا ونى ەۆاكۋاتسيالاۋعا بۇيرىق بەرگەنىن جازعان بولاتىنبىز.

ال قاتار دوحاداعى شابۋىلدان كەيىن گازا بويىنشا كەلىسسوزدى توقتاتتى.

Abai.kz