ءۇش ونجىلدىق ىشىندە قازاقستاننىڭ تجم قالىپتاسۋ جولىنان ءوتىپ، ءوز كۇشىن، قۇرىلىمىن جانە كاسىبي داستۇرلەرىن نىعايتتى.

ۆەدومستۆو تاريحى كۇن سايىن وزگەلەردى قۇتقارۋ جولىندا ويلانباستان ءوز ءومىرىن قاتەرگە تىگەتىن ەرجۇرەك جانداردىڭ ەرلىكتەرىمەن تىعىز بايلانىستى. بۇگىندە ولاردىڭ ءىسىن قىزمەت رۋحىن، ادالدىق پەن جانقيارلىقتى بويىنا سىڭىرگەن جاڭا بۋىن جاس قۇتقارۋشىلار ابىرويمەن جالعاستىرىپ كەلەدى. ءبىز تجم قۇرداستارى، ءومىرىن ادام قۇتقارۋ سياقتى اسا قادىرلى ميسسياعا ارناعان جاندار تۋرالى اڭگىمەمىزدى جالعاستىرامىز.

سۋرەت: gov.kz سايتىنان الىندى.

جاڭا بۋىننىڭ كاسىبي ماماندارى قاتارىندا مالىك عابدۋللين اتىنداعى ازاماتتىق قورعاۋ اكادەمياسىنىڭ توتەنشە جاعدايلاردان قورعاۋ كافەدراسىنىڭ اعا وقىتۋشىسى مارلەن باحتيار بار. تجم قۇرداسى بولىپ تابىلاتىن ول اكادەميا تۇلەگى رەتىندە گاج حالىقارالىق گەواقپاراتتىق كارتوگرافياسىنىڭ ترەنەرى دارەجەسىنە دەيىن جەتتى. ءتورت جىل بويى ول قاراعاندى وبلىسى تجد ازاماتتىق قورعانىس باسقارماسىندا قىزمەت اتقارىپ، حالىقتى قورعاۋ شارالارىن جۇزەگە اسىرۋعا، سونداي-اق الدىن الۋ جانە قۇتقارۋ ءىس-شارالارىنا قاتىستى. سودان كەيىن ول گۋمانيتارلىق MapAction ۇيىمىنىڭ قولداۋىمەن فيليپپيندە وتكەن حالىقارالىق گاج كۋرستارىنان ءوتتى. ول وندا فيليپپين، قىتاي، سينگاپۋر جانە بانگلادەشتىڭ ماماندارىمەن تاجىريبە ءبولىسىپ، بىلىكتىلىگىن ارتتىردى.

سۋرەت: gov.kz سايتىنان الىندى.

ءاردايىم وزگەلەردى قۇتقارۋ ءۇشىن تاۋەكەلگە بارۋعا دايىن تجم تاعى ءبىر قۇرداسى تاراز قالاسىنداعى №1 مامانداندىرىلعان ءورت ءبولىمىنىڭ اعا ينجەنەرى باقىتبەك كۇزەنباەۆ. 2024 جىلى ونىڭ گاز-تۇتىننەن قورعاۋ قىزمەتىنىڭ قۇرامىنداعى توبى بەس قاباتتى ۇيدەگى ورتكە ورانعان پاتەردەن ەكى ادامدى جەدەل ەۆاكۋاتسيالاپ، ءورتتى ەڭ قىسقا مەرزىمدە ءسوندىردى. ال ەكى جىل بۇرىن قورداي اۋدانىنىڭ ءورت كۇزەتىنىڭ باسشىسى بولىپ قىزمەت ەتكەن كەزدە ول اۋدارىلعان جۇك كولىگىنىڭ جۇرگىزۋشىسىن شىعارۋ قۇتقارۋ وپەراتسياسىنا قاتىسىپ، زارداپ شەككەن ادامعا سول جەردە العاشقى مەديتسينالىق كومەك كورسەتتى.

سۋرەت: gov.kz سايتىنان الىندى.

وسىنداي ەرجۇرەك تجم قۇرداستارىنىڭ ءبىرى جامبىل وبلىسى تجد جۋالى اۋدانى №7 ءورت ءسوندىرۋ ءبولىمىنىڭ ءورت ءسوندىرۋ اۆتوكولىگىنىڭ جۇرگىزۋشىسى نۇراحمەت ورازباەۆ. 2025 جىلدىڭ قاڭتارىندا بوران مەن نولدىك كورىنۋ جاعدايىنا قاراماستان، ول «ب.مومىشۇلى-كوشكاراتا» باعىتىنداعى قار باسقان جولدا قۇتقارۋ توبىن باستاپ، جولدى كورسەتتى. ونىڭ باتىلدىعى مەن كوماندانىڭ ۇيلەسىمدى ءىس-قيمىلىنىڭ ارقاسىندا التى ادام قاۋىپسىز جەرگە ەۆاكۋاتسيالانىپ، تەحنيكا دا قاۋىپسىز ورىنعا جەتكىزىلدى. كورسەتكەن ەرلىگى ءۇشىن نۇراحمەت ورازباەۆ مەملەكەتتىك ماراپات «ەرلىگى ءۇشىن» مەدالىمەن ناگرادتالدى. بۇل ونىڭ كۇن سايىنعى جانقيارلىق قىزمەتىنىڭ كوپتەگەن جارقىن ساتتەرىنىڭ ءبىرى عانا.

سۋرەت: gov.kz سايتىنان الىندى.

بۇل وقيعالار قازاقستاننىڭ تجم كۇشىن نىعايتىپ، داستۇرلەرىن جالعاستىرىپ كەلە جاتقان جاس مامانداردىڭ ۇلكەن ەڭبەگىنىڭ ءبىر بولىگى عانا. ولاردىڭ كۇندەلىكتى ەڭبەگى، باتىلدىعى جانە كاسىبيلىگى ەڭ قيىن ءارى قاۋىپتى ساتتەردە ادامداردىڭ ءومىرىن قۇتقارىپ، قورعاۋعا كومەكتەسەدى. مىنە وسىنداي باتىرلاردىڭ ارقاسىندا قىزمەت قوعام ءۇشىن سەنىمدى قورعان بولىپ قالا بەرەدى، ال بولاشاق قۇتقارۋ ءىسى سەنىمدى قولعا سەنىپ تاپسىرىلعان.

سۋرەت: gov.kz سايتىنان الىندى.

Abai.kz