قازاقستانداعى ەكىنشى اەس الماتى وبلىسىندا سالىنادى. بۇل تۋرالى قر اتوم ەنەرگياسى جونىندەگى اگەنتتىكتىڭ باسشىسى الماسادام ساتقاليەۆ ايتتى.

«اتوم سالاسىن دامىتۋ جونىندەگى مەملەكەتتىك كوميسسيانىڭ العاشقى وتىرىسى ءوتتى، وندا اتوم ستانتسياسى قۇرىلىسىنا ارنالعان ەكىنشى ورىن تانىستىرىلدى... كەلەسى ورىن الماتى وبلىسىنىڭ جامبىل اۋدانى بولماق»، - دەدى ساتقاليەۆ.

ول مۇنى وڭتۇستىكتەگى ەنەرگيا تاپشىلىعىمەن ءتۇسىندىردى. دەگەنمەن ەكىنشى اەس-ءتى كىم سالاتىنى بەلگىسىز. بۇعان دەيىن ەلدە ەكىنشى جانە ءۇشىنشى اەس-ءتى قىتايلىق CNNC كورپوراتسياسى سالۋى مۇمكىن ايتىلعان ەدى.

«بارلىق تاراپتارمەن كەلىسسوز جۇرگىزىپ جاتىرمىز جانە CNNC سالادى دەگەن تۇپكىلىكتى شەشىم قابىلدانعان جوق. بىراق CNNC كومپانياسىن اەس قۇرىلىسى بويىنشا باسىمدىق بەرەتىن مەردىگەر رەتىندە قاراستىرامىز»، - دەدى ول.

Abai.kz