ەلىمىزدە 1 ماۋسىمدا حالىقارالىق بالالاردى قورعاۋ كۇنى ءداستۇرلى تۇردە اتاپ وتىلەدى. بۇگىندە ەلىمىزدە 6,9 ملن-نان استام بالا تۇرادى جانە ولاردىڭ قۇقىقتارىن قورعاۋ ماسەلەسى مەملەكەتتىڭ الەۋمەتتىك ساياساتىنداعى باسىم باعىتتاردىڭ ءبىرى سانالادى. اتالعان جۇمىس جاڭا كونستيتۋتسيادا بەكىتىلگەندەي، بالالارعا قامقورلىق جاساۋ جانە ولاردى تاربيەلەۋ قاعيداتىنا نەگىزدەلگەن، ال مەملەكەتتىڭ باستى مىندەتى – وتباسىلار ءۇشىن بالالاردىڭ دەنى ساۋ بولىپ وسۋىنە، ساپالى ءبىلىم الۋىنا جانە وزدەرىن قاۋىپسىز سەزىنۋىنە مۇمكىندىك بەرەتىن سەنىمدى ءارى قولايلى جاعداي جاساۋ.

بۇل باعىتتاعى باستى قۇجات رەتىندە پرەزيدەنت قاسىم-جومارت توقاەۆتىڭ ۇلتتىق قۇرىلتاي قورىتىندىسى بويىنشا بەرگەن تاپسىرماسىنا سايكەس قابىلدانىپ، ۇكىمەت بەكىتكەن 2026–2030 جىلدارعا ارنالعان «قازاقستان بالالارى» تۇجىرىمداماسى ايقىندالدى. باعدارلاما 158 ءىس-شارانى قامتيدى، ال ونى جۇزەگە اسىرۋعا جالپى كولەمى 1,3 ترلن تەڭگە قارجى قاراستىرىلعان. قۇجات اياسىنداعى جۇمىستار ءبىلىم بەرۋ، دەنساۋلىق ساقتاۋ، الەۋمەتتىك قورعاۋ جانە قاۋىپسىزدىك سياقتى نەگىزگى باعىتتار بويىنشا جۇرگىزىلۋدە.

Abai.kz