ورالدا پرەزيدەنت تاپسىرماسى بويىنشا قايتارىلعان اكتيۆتەر قاراجاتى ەسەبىنەن سالىنعان جاڭا مەكتەپ اشىلدى. بۇل تۋرالى ۇكىمەتتىڭ تەلەگرام ارناسى جازدى.

ورال قالاسىندا دارىندى بالالارعا ارنالعان وبلىستىق مامانداندىرىلعان №8 مەكتەپ-ليتسەيى سالتاناتتى تۇردە اشىلدى. ول 1952 جىلى سالىنعان اپاتتى مەكتەپتىڭ ورنىنا سالىندى.

جوبا مەملەكەت باسشىسىنىڭ تاپسىرماسىنا سايكەس، ءبىلىم بەرۋ جاعدايىن جاقسارتۋ جانە ساپالى ءبىلىمنىڭ بارشاعا بىردەي قولجەتىمدى بولۋىن قامتاماسىز ەتۋ ماقساتىندا جۇزەگە اسىرىلدى.

بۇعان دەيىن ۇكىمەت ارناۋلى مەملەكەتتىك قوردان مەكتەپ قۇرىلىسىنا 2,8 ملرد تەڭگە بولگەن ەدى.

جاڭا عيمارات 400 وقۋشىعا شاقتالىپ سالىنعان جانە بالالاردىڭ ءبىلىم الۋىنا بارلىق جاعداي جاسالعان.

Abai.kz