قش پرەزيدەنتى دونالد ترامپ گازا سەكتورىنداعى جاعدايدى رەتتەۋ بويىنشا جوسپارىنىڭ ءبىرىنشى كەزەڭى الداعى اپتالاردى اياقتالۋى مۇمكىن ەكەنىن مالىمدەدى. بۇل تۋرالى پرەزيدەنت Truth Social الەۋمەتتىك جەلىسىنە جازدى.

- وسى دەمالىس كۇندەرى راديكالدى حاماس قوزعالىسىمەن جانە بۇكىل الەم ەلدەرىمەن كەپىلدەگى ازاماتتاردى بوساتۋ، گازادا سوعىستى توقتاتۋ، ەڭ باستىسى تاياۋ شىعىستا بەيبىت ءومىر ورناتۋ باعىتىندا جاقسى پىكىرتالاس ءوتىپ جاتىر. بۇل كەلىسسوزدەر وتە ءساتتى ءوتىپ، وتە جىلدام ءجۇرىپ جاتىر،-دەپ مالىمدەدى اقش پرەزيدەنتى.

بۇل رەتتە ول 6 قىركۇيەكتە مىسىردا وسى ىسكە قاتىستى قالعان ماسەلەلەر تالقىلاناتىن جۇمىس توبىنىڭ وتىرىسى وتەتىنىن قوسا كەتتى.

- ماعان ءبىرىنشى فازا وسى اپتادا اياقتالاتىنىن جەتكىزدى، وسى رەتتە مەن بارلىعىن جەدەل قيمىلداۋعا شاقىرار ەدىم، - دەپ مالىمدەدى ترامپ.

وسى رەتتە ول باياۋ قيمىل ەشكىم دە قالامايتىن ۇلكەن قانتوگىستىڭ جالعاسۋىنا ىقپال ەتەتىنىن ايتتى.

29 قىركۇيەك كۇنى اق ءۇي ترامپتىڭ گازا سەكتورىنداعى جاعدايدى رەتتەۋگە قاتىستى 20 بولىمنەن تۇراتىن كەڭ اۋقىمدى جوسپارىن جاريالادى. وندا پالەستينا انكلاۆىندا ۋاقىتشا سىرتقى كۇشتەردى ەنگىزىپ، جاعدايدى تۇراقتاندىرۋ ءۇشىن حالىقارالىق كۇشتەردى ورنالاستىرۋ كوزدەلگەن. يزرايل بۇل تالاپپەن كەلىسەتىنىن جاريالادى.

Abai.kz