"رەسەي قازاقستانعا گاز تاسىمالدايدى: جاڭا قۇبىر سالۋ جونىندە مەموراندۋمعا قول قويدى", - دەپ جازادى ازاتتىق رايدوسى.

8 قازاندا قازاقستان پرەمەر-ءمينيسترىنىڭ ورىنباسارى رومان سكليار جانە رەسەيلىك "گازپرومنىڭ" جەتەكشىسى الەكسەي ميللەر جاڭا گاز قۇبىرى جوباسىن جۇزەگە اسىرۋ جونىندە مەموراندۋمعا قول قويدى.

"رەسەيدەن قازاقستانعا قاراي جاڭا ماگيسترالدى گاز قۇبىرى جوباسىن جۇزەگە اسىرۋ جونىندە كەلىسىمگە قول قويىلدى. قۇجاتتا ورىنبور گاز وڭدەۋ زاۋىتىنىڭ جاڭارتىلاتىن نىساندارىندا قاراشىعاناق گازىن وڭدەۋ سالاسىنداعى ىنتىماقتاستىق تۋرالى كەلىسىمدەر بەلگىلەنگەن" دەپ جازىلعان "گازپرومنىڭ" سايتىندا.

رەسەي ۋكرايناعا باسىپ كىرگەننەن كەيىن ەۋروپاعا گاز تاسىمالداۋ مۇمكىندىگىنەن ايىرىلعان رەسەي جاڭا نارىقتى ىزدەي باستاعان. بىلتىر رەسەي پرەزيدەنتى ۆلاديمير پۋتين وزبەكستان باسشىسى شاۆكات ميرزياەۆپەن رەسەي گازىن وزبەكستانعا تاسىمالداۋ بويىنشا كەلىسىمگە قول قويعان. 2024 جىلى رەسەيدەن وزبەكستانعا 5,6 ملرد تەكشە مەتر گاز تاسىمالدانعان، الداعى ۋاقىتتا بۇل كورسەتكىش 11 ملرد تەكشە مەترگە جەتەدى دەپ ايتىلادى. بۇعان دەيىن حالىقارالىق باسىلىمدار گاز ەكcپورتىنىڭ داعدارىسى كرەمل ءۇشىن ءالى دە ماڭىزدى بولىپ وتىرعاندىقتان ماسكەۋدىڭ رەسەي گازىن سولتۇستىك قازاقستانعا دا تاسىمالداۋعا كۇش سالىپ وتىرعانىن جازعان. باتىسىندا مۇناي-گاز قورىنا باي قازاقستاننىڭ سولتۇستىك ءوڭىرى ءالى كۇنگە دەيىن گازبەن قامتاماسىز ەتىلمەگەن.

Abai.kz