بەيسەنبى, 16 قازان 2025
بيلىك 177 0 پىكىر 16 قازان, 2025 ساعات 13:03

توقاەۆ بەكتەنوۆكە اپتا سوڭىنا دەيىن ۋاقىت بەردى...

سۋرەت: azh.kz سايتىنان الىندى.

قازاقستان پرەزيدەنتى قاسىم-جومارت توقاەۆ پرەمەر-مينيستر ولجاس بەكتەنوۆكە جۇمىس اپتاسىنىڭ سوڭىنا دەيىن ۇكىمەتتىڭ ەكونوميكالىق رەفورمالار باعدارلاماسىن ازاماتتاردىڭ مۇددەسىنە ساي جۇزەگە اسىرۋدى وڭتايلاندىرۋ بويىنشا ناقتى شارالار جوسپارىن ۇسىنۋدى تاپسىردى، دەپ حابارلايدى اقوردانىڭ ءباسپاسوز قىزمەتى.

پرەزيدەنتتىڭ كومەكشىسى جانە ءباسپاسوز حاتشىسى رۋسلان جەلدىباي:

«پرەزيدەنت پرەمەر-مينيستر ولجاس بەكتەنوۆكە وسى اپتانىڭ سوڭىنا دەيىن ازاماتتاردىڭ مۇددەسىن ەسكەرە وتىرىپ، ۇكىمەتتىڭ ەكونوميكالىق رەفورمالار باعدارلاماسىن ىسكە اسىرۋ ۇدەرىسىن رەتتەۋگە قاتىستى ناقتى شارالار ازىرلەۋدى تاپسىردى. ۇكىمەتكە شاعىن جانە ورتا بيزنەستى قولداۋعا، ينۆەستيتسيالىق احۋالدى جاقسارتۋعا، سونداي-اق ەلدەگى ەكونوميكالىق جاعدايدى تۇراقتاندىرۋعا باعىتتالعان تۇزەتۋلەر ەنگىزىپ، قاجەتتى شەشىمدەر قابىلداۋ مىندەتى جۇكتەلدى. مەملەكەت باسشىسى ۇكىمەتتىڭ ەكونوميكالىق ساياساتىنىڭ نەگىزگى پارامەترلەرى قازاقستاننىڭ ستراتەگيالىق مۇددەسىنە ساي كەلەدى، سونىمەن قاتار وندا جاھاندىق كونيۋنكتۋرا مەن قازىرگى نارىقتىق ۇردىستەر ەسكەرىلگەن دەپ سانايدى»، - دەپ جازدى.

ال باق: «شاعىن بيزنەس پەن قىمباتشىلىقتان قاجىعان حالىقتىڭ شاعىمى اقورداعا جەتكەن ءتارىزدى. توقاەۆ ۇكىمەتكە اپتا سوڭىنا دەيىن قازىرگى ەكونوميكالىق رەفورمانىڭ كەم-كەتىگىن تۇزەتۋ جوسپارىن ازىرلەۋدى تاپسىردى»، دەپ حابارلايدى.

پرەزيدەنت باعدارلاماداعى باسىمدىقتى شاعىن جانە ورتا بيزنەستى قولداۋعا، حالىقتىڭ تابىسىن ارتتىرۋعا باعىتتاۋدى مىندەتتەپ وتىر.

مەملەكەت باسشىسىنىڭ ايتۋىنشا، ەكونوميكالىق ساياسات نەگىزىنەن ەل مۇددەسى مەن جاھاندىق ترەندكە ساي كەلەدى. دەگەنمەن باعدارلامانىڭ ناقتى ورىندالۋىن شاعىن بيزنەستى كوتەرمەلەۋگە، ينۆەستيتسيالىق احۋالدى جاقسارتۋعا جانە جالپى ەكونوميكانى ساۋىقتىرۋعا بەيىمدەۋ كەرەك.

Abai.kz

0 پىكىر

ۇزدىك ماتەريالدار

46 - ءسوز

پروفيلاكتيكا بىتوۆوگو ناسيليا

الماز ەششانوۆ 910
قاۋىپ ەتكەننەن ايتامىن

جاۋ جوق دەمە – جار استىندا...

قۋات قايرانباەۆ 10128