“ناۋرىز” جانە “ناۋرىز جۇمىسكەر” يپوتەكالىق باعدارلامالارى بويىنشا نەسيەلەۋ كولەمى 500 ملرد تەڭگەگە دەيىن ۇلعايتىلدى.

16 قازان كۇنى ۇكىمەت تۇرعىن ءۇي نەسيەلەۋدى قولداۋ شارالارىن بەكىتتى.

باعدارلاما قاراشادا ىسكە قوسىلادى

نەسيەلەردى بەرۋ جۇمىسى بيىل قاراشا ايىندا باستالماق.

قازىر ەكى نۇسقا قاراستىرىلىپ جاتىر: نە وتىنىمدەردى قابىلداۋدىڭ جاڭا كونكۋرسىن جاريالاۋ، نە ناۋرىز ايىندا قاتىسىپ، بىراق وتپەي قالعان ازاماتتارعا نەسيە بەرۋ، - دەدى “وتباسى بانك” توراعاسى ءلاززات يبراگيموۆا.

بانك وكىلدەرىنىڭ ايتۋىنشا، قاتىسۋ شارتتارى كەيىنىرەك ناقتى جاريالانادى.

ماڭىزدى جاڭالىقتاردىڭ ءبىرى - قۇرىلىس كومپانيالارىمەن وفتەيك-كەلىسىمشارتتار جاساۋ.

قۇرىلىس سالۋشىلار “وتباسى بانكپەن” كەلىسىمگە وتىرىپ، الداعى ءۇش جىلعا پاتەر باعاسىن تۇراقتى دەڭگەيدە ۇستاۋعا مىندەتتەلەدى، - دەپ ايتتى يبراگيموۆا.

باعدارلاما قاتىسۋشىلارى وزدەرىنە ۇنايتىن تۇرعىن ءۇيدى “باسپانا ماركەت” پلاتفورماسىنان تاڭداي الادى.

“ناۋرىزبەن” قانداي تۇرعىن ءۇيدى ساتىپ الۋعا بولادى؟

• استانا، الماتى جانە وبلىس ورتالىقتارىندا - تەك جاڭا ۇيدەن (قۇرىلىس سالۋشىدان تىكەلەي جاڭا پاتەر);
• باسقا وڭىرلەردە - كەز كەلگەن باسپانا، سونىڭ ىشىندە ەكىنشى نارىقتاعى پاتەرلەر مەن جەكە ۇيلەر.

يپوتەكا شارتتارى:

• مولشەرلەمە: الەۋمەتتىك وسال توپتارعا - 7%، وزگەلەرگە - 9%;
• باستاپقى جارنا: تازا ارلەۋدەگى پاتەر ءۇشىن - 10%، جوندەۋسىز پاتەر ءۇشىن - 20%;
• نەسيە سوماسى: استانا مەن الماتىدا - 36 ملن تەڭگەگە دەيىن، باسقا وڭىرلەردە - 30 ملن تەڭگەگە دەيىن.

قاتىسۋ تالاپتارى:

• سوڭعى 5 جىلدا ءوز اتىنا تىركەلگەن تۇرعىن ءۇيدىڭ بولماۋى;
• “وتباسى بانكىندە” كەمىندە 2 ملن تەڭگە كولەمىندە دەپوزيتتىڭ بولۋى.

Abai.kz