قاراعاندىدا رەسپۋبليكا كۇنىنە وراي «SARYARQALAB: AQYL.DAMU.QADAM» اتتى جاستار فورۋمى ءوتتى. ءىس-شارانىڭ ماقساتى – جاستاردىڭ جاساندى ينتەللەكت پەن تسيفرلاندىرۋعا قىزىعۋشىلىعىن ارتتىرۋ، ەكولوگيالىق مادەنيەتتى دامىتۋ جانە ادىلەتتى قازاقستاندى قۇرۋ جولىنداعى جاس پاتريوتتاردى تاربيەلەۋ. فورۋمنىڭ باستاماشىسى ءارى ۇيىمداستىرۋشىسى – «AMANAT» پارتياسىنىڭ قاراعاندى وبلىستىق فيليالى.

اۋقىمدى جيىنعا ايماقتىڭ 600-دەن استام بەلسەندى ءارى كرەاتيۆتى جاستارى – جوعارى وقۋ ورىندارى مەن كوللەدجدەردىڭ ستۋدەنتتەرى، سونداي-اق پريوزەرسك، ساران، تەمىرتاۋ، شاحتينسك قالالارى مەن قاراعاندى وبلىسى اۋداندارىنان كەلگەن جاستار قاتىستى. باعدارلامادا ەكسكۋرسيالار، شەبەرلىك ساعاتتارى، ترەنينگتەر مەن تسيفرلىق تەحنولوگيالار جانە جاساندى ينتەللەكت تاقىرىپتارىنا ارنالعان سەسسيالار ۇيىمداستىرىلدى.

سۋرەت: «AMANAT» پارتياسىنىڭ قاراعاندى وبلىستىق فيليالىنان الىندى.

فورۋم جۇمىسىنا قاراعاندى وبلىسىنىڭ اكىمى ەرماعانبەت بولەكپاەۆ, وبلىستىق ءماسليحات توراعاسى نۇركەن كوبجانوۆ, «AMANAT» پارتياسى وبلىستىق فيليالىنىڭ توراعاسى بەكزات التىنبەكوۆ, دەپۋتاتتار، مەملەكەتتىك ورگاندار مەن قوعامدىق ۇيىمداردىڭ وكىلدەرى جانە «جاستار رۋحى» جاستار قاناتىنىڭ توراعاسى اقەركە يسكاندەروۆا قاتىستى.

وبلىس اكىمى ەرماعانبەت بولەكپاەۆ ءوڭىردىڭ دامۋىنا جاستاردىڭ قوسىپ وتىرعان ۇلەسىن اتاپ ءوتىپ، بۇگىندە ايماق تۇرعىندارىنىڭ تورتتەن ءبىرى – جاس بۋىن ەكەنىن جەتكىزدى.

سۋرەت: «AMANAT» پارتياسىنىڭ قاراعاندى وبلىستىق فيليالىنان الىندى.

«مەملەكەت باسشىسى «جاستار – جاڭا ەكونوميكالىق دامۋدىڭ قوزعاۋشى كۇشى» ەكەنىن اتاپ ءوتكەن ەدى. بۇگىندە سىزدەر – جاساندى ينتەللەكت پەن تسيفرلىق تەحنولوگيالاردى مەڭگەرىپ، ەكولوگيالىق جانە قۇقىقتىق وي-ءورىسى قالىپتاسقان قازاقستاننىڭ بولاشاعىسىزدار. مەملەكەت سىزدەرگە گرانتتار بەرىپ، يدەيالارىڭىزدى، ستارتاپتارىڭىزدى جۇزەگە اسىرۋ ءۇشىن بارلىق جاعداي جاساپ وتىر. «جاسىل ەل»، قولجەتىمدى يپوتەكا باعدارلامالارى، مەنتورلىق جوبالار – مۇنىڭ ءبارى سىزدەردىڭ بولاشاقتارىڭىزعا باعىتتالعان ينۆەستيتسيا», – دەدى ول.

«جاستار رۋحى» جاستار قاناتىنىڭ توراعاسى اقەركە يسكاندەروۆا فورۋمنىڭ مەملەكەت باسشىسى ايقىنداعان باسىمدىقتاردى جۇزەگە اسىرۋعا باعىتتالعانىن ايتتى.

سۋرەت: «AMANAT» پارتياسىنىڭ قاراعاندى وبلىستىق فيليالىنان الىندى.

«پرەزيدەنت قاسىم-جومارت توقاەۆ 2029 جىلعا دەيىن كەمىندە 2,3 ميلليون جاستى جۇمىسپەن قامتۋ مىندەتىن قويدى. «جاستار رۋحى» 100 مىڭنان استام بەلسەندى جاستى بىرىكتىرىپ، جۇمىسپەن قامتۋ، كاسىبي باعدار جانە ازاماتتىق تاربيە باعىتىندا جۇيەلى جۇمىس جۇرگىزىپ كەلەدى. ءبىز يننوۆاتسيالىق شەشىم ۇسىنۋعا جانە ەلگە قىزمەت ەتۋگە جانە ادىلەتتى قازاقستاندى بىرگە قۇرۋعا دايىن بۋىندى قالىپتاستىرۋعا كۇش سالامىز», – دەدى اقەركە يسكاندەروۆا.

ول سونداي-اق 2025 جىلدىڭ جۇمىسشى ماماندىقتارى جىلى بولىپ جاريالانعانىن ەسكە سالىپ، ەڭبەك ادامىنىڭ بەدەلىن ارتتىرۋعا ەرەكشە كوڭىل بولىنەتىنىن ايتتى. فورۋم اياسىندا جاساندى ينتەللەكتتى دامىتۋ ماسەلەسىنە ايرىقشا نازار اۋدارىلدى. پرەزيدەنت قاسىم-جومارت توقاەۆ قازاقستان حالقىنا جولداۋىندا ەكونوميكانىڭ بارلىق سالاسىن جاڭعىرتۋ ءۇشىن جاپپاي جاساندى ينتەللەكتىنى ەنگىزۋ قاجەت ەكەنىن اتاپ وتكەن بولاتىن. «AMANAT» پارتياسى جاساندى ينتەللەكتتى ەكونوميكاعا، ءبىلىم بەرۋ مەن الەۋمەتتىك سالاعا ينتەگراتسيالاۋ جونىندەگى باستامالاردى قارقىندى تۇردە جۇزەگە اسىرىپ كەلەدى.

سۋرەت: «AMANAT» پارتياسىنىڭ قاراعاندى وبلىستىق فيليالىنان الىندى.

«AMANAT» پارتياسى وبلىستىق فيليالىنىڭ توراعاسى بەكزات التىنبەكوۆتىڭ ايتۋىنشا، جاستار تەك تەحنولوگيانى تۇتىنۋشى ەمەس، ونى جاساۋشى بولۋعا ءتيىس.

«AMANAT» پارتياسى قازىردىڭ وزىندە ءىت جانە تسيفرلاندىرۋ سالاسىندا اۋقىمدى جوبالاردى ىسكە اسىرۋدا. ولاردىڭ قاتارىندا – تسيفرلىق ساۋاتتىلىقتى ارتتىرۋ بويىنشا «تسيفرلىق قوعام» جوباسى، ينتەرنەت قاۋىپسىزدىگىنە ارنالعان «كيبەر تۇمار»، سونداي-اق جەر قاتىناستارىنداعى اشىقتىقتى قامتاماسىز ەتەتىن jerkarta.gharysh.kz گەوسەرۆيسى بار. بۇل باستامالار – پرەزيدەنتتىڭ تەحنوۇلت قالىپتاستىرۋ جانە ادىلەتتى تسيفرلىق مەملەكەت قۇرۋ جونىندەگى يدەيالارىنىڭ ناقتى كورىنىسى», – دەدى ول.

فورۋمدا جاساندى ينتەللەكت سالاسىنداعى ساراپشىلار دا بايانداما جاسادى. ساراپشى ەسقالي قىدىرمولدانوۆ زاماناۋي تەحنولوگيالاردىڭ كرەاتيۆتى يدەيالاردى جۇزەگە اسىرۋعا جانە ەڭبەك ونىمدىلىگىن ارتتىرۋ جولدارىن تانىستىردى. «Quantumhub» تۇراقتى دامۋ جانە كرەاتيۆتى يندۋستريالار عىلىمي-زەرتتەۋ ورتالىعىنىڭ ديرەكتورى جانىبەك جارتايدىڭ ايتۋىنشا، اقش جانە وزگە ەلدەردە ستۋدەنتتەردىڭ 90%-عا جۋىعى وقۋ ۇدەرىسىندە جاساندى ينتەللەكتتى پايدالانادى، ال قازاقستاندا بۇل ءۇردىس ەندى قارقىن الىپ كەلەدى. «تەرريكون القابى» ەكوجۇيەسىنىڭ باسقارۋشى سەرىكتەسى ديانا سالەحوۆا فورۋم قاتىسۋشىلارىن وڭىرلىك ءىت-حابتىڭ مۇمكىندىكتەرىمەن تانىستىرىپ، جاس مامانداردى ءوز ستارتاپتارىن وسى الاڭدا جۇزەگە اسىرۋعا شاقىردى.

سۋرەت: «AMANAT» پارتياسىنىڭ قاراعاندى وبلىستىق فيليالىنان الىندى.

فورۋمنىڭ ماڭىزدى تاقىرىپتارىنىڭ ءبىرى – ەكولوگيالىق تاربيە مەن تابيعاتتى ايالاۋ مادەنيەتىن دامىتۋ بولدى. تەمىرتاۋداعى «جاسىل ەل» جاساقتارىنىڭ ۇيلەستىرۋشىسى ميراس ياۋدا ءاربىر جاستىڭ تابيعاتتى قورعاۋعا قوسقان ۇلەسى قورشاعان ورتانىڭ تەپە-تەڭدىگىن ساقتاۋدا ايرىقشا مانگە يە ەكەنىن ايتتى.

فورۋم سوڭىندا رەسپۋبليكا كۇنىنە وراي ەڭ بەلسەندى ءارى تالانتتى قاتىسۋشىلارعا «جاستار رۋحى» توراعاسى اقەركە يسكاندەروۆا العىس حات جانە وبلىستىق ءماسليحات دەپۋتاتى اسقار ورازبەكوۆ قارجىلاي گرانتتار تابىس ەتتى. بۇل گرانتتار ءوز ءىسىن باستاعىسى كەلەتىن جاس كاسىپكەرلەردىڭ يننوۆاتسيالىق جانە الەۋمەتتىك ماڭىزى بار جوبالارىن قولداۋعا باعىتتالعان.

«AMANAT» پارتياسى جاستارعا عىلىم، كاسىپكەرلىك جانە ۆولونتەرلىك سياقتى ءتۇرلى باعىتتا ءوز الەۋەتىن تانىتىپ، ارماندارىن ىسكە اسىرۋعا كەڭ مۇمكىندىك بەرەدى. ەل دامۋىنا ارقايسىڭىز ۇلەس قوسا الاسىزدار. وسىنداي فورۋمدار قازاقستاننىڭ بولاشاعى سەنىمدى قولدا ەكەنىن دالەلدەيدى»، – دەدى اسقار ورازبەكوۆ.

Abai.kz