ءال-فارابي اتىنداعى قازاق ۇلتتىق ۋنيۆەرسيتەتى ءوز قىزمەتىندە بۇۇ-نىڭ تۇراقتى دامۋ ماقساتتارىن (تدم) جۇزەگە اسىرۋعا ەرەكشە نازار اۋدارادى.

ۋنيۆەرسيتەت قابىرعاسىندا ستۋدەنتتەر مەن وقىتۋشىلاردىڭ بەلسەندى قاتىسۋىمەن ءتۇرلى پىكىرتالاستار، سەمينارلار مەن اشىق تالقىلاۋلار وتكىزىلىپ، بۇل باستامالار ەلىمىزدىڭ تۇراقتى ءارى ءادىل دامۋ جولىنداعى ماڭىزدى باعىتتاردىڭ ءبىرى بولىپ وتىر. وسىنداي شارالاردىڭ ءبىرى-تدم 3 ماقساتى «سالاۋاتتى ءومىر سالتىن قامتاماسىز ەتۋ جانە بارلىق جاستاعى ادامداردىڭ ءال-اۋقاتىن جاقسارتۋ» تاقىرىبىندا ۇيىمداستىرىلعان پىكىرتالاس بولدى. الەمدىك قاۋىمداستىق بۇل ماقسات ارقىلى ءاربىر ادام ءۇشىن تەڭ جاعداي جاساۋعا، دەنساۋلىق ساقتاۋ سالاسىندا الەۋمەتتىك ادىلەتتىلىكتى قامتاماسىز ەتۋگە جانە بارلىق تۇرعىندارعا مەديتسينالىق قىزمەتتەردىڭ قولجەتىمدىلىگىن ارتتىرۋعا ۇمتىلادى.

پىكىرتالاس بارىسىندا ستۋدەنتتەر دەنساۋلىق ساقتاۋ جۇيەسىندەگى تەڭدىك ماسەلەلەرىن، ازاماتتاردىڭ مەديتسينالىق قىزمەتكە قولجەتىمدىلىگى مەن دەنساۋلىققا قاتىستى قۇقىقتارىن قورعاۋ جولدارىن قاراستىردى. بۇل كەزدەسۋدىڭ ماقساتى-ستۋدەنتتەردىڭ الەۋمەتتىك جاۋاپكەرشىلىگىن ارتتىرۋ، ولاردىڭ قوعامداعى ءوز ورنىن سەزىنۋىنە جانە جاھاندىق ماقساتتارمەن ۇيلەسكەن كوزقاراس قالىپتاستىرۋىنا ىقپال ەتۋ بولدى. پىكىرتالاسقا قاتىسۋشىلار دەنساۋلىق ساقتاۋ سالاسىندا تەڭدىكتى قامتاماسىز ەتۋ ءۇشىن بىرقاتار ۇسىنىستار ايتتى. ولاردىڭ ءبىرى مەملەكەتتىك جانە جەكە سەكتور اراسىنداعى سەرىكتەستىكتى نىعايتۋدىڭ ماڭىزدىلىعىنا توقتالسا، ەندى بىرەۋلەرى يننوۆاتسيالىق تەحنولوگيالار مەن تسيفرلىق شەشىمدەردىڭ قولجەتىمدى مەديتسينالىق قىزمەت كورسەتۋ ىسىندەگى ءرولىن اتاپ ءوتتى.

ستۋدەنتتەر سونداي-اق ۋنيۆەرسيتەت دەڭگەيىندە جۇزەگە اسىرىلىپ جاتقان  دەنساۋلىق ساقتاۋ جانە سالاۋاتتى ءومىر سالتىن ناسيحاتتاۋ شارالارى تۋرالى دا ءسوز قوزعادى. ۋنيۆەرسيتەتتە ستۋدەنتتەر مەن قىزمەتكەرلەردىڭ دەنساۋلىعىن ساقتاۋ ماقساتىندا سپورتتىق ءىس-شارالار، مەديتسينالىق تەكسەرۋلەر، پسيحولوگيالىق كومەك كورسەتۋ قىزمەتتەرى جۇيەلى تۇردە ۇيىمداستىرىلىپ كەلەدى. قارا شاڭىراق قازۇۋ دەنساۋلىق ساقتاۋ سالاسىندا دا تەڭدىك پەن ادىلەتتىلىك قاعيداتتارىن بەرىك ۇستانادى. ۋنيۆەرسيتەت قابىرعاسىندا دەنساۋلىق ساقتاۋ تاقىرىبىنداعى سەمينارلار مەن فورۋمدار وتكىزىلىپ، جاستار اراسىندا سالاۋاتتى ءومىر سالتى بەلسەندى ناسيحاتتالۋدا. زاڭ فاكۋلتەتىنىڭ ستۋدەنتتەرى وتكىزگەن بۇل پىكىرتالاس ولاردىڭ الەۋمەتتىك بەلسەندىلىگىن ارتتىرىپ، بولاشاق زاڭگەرلەردىڭ دەنساۋلىق ساقتاۋ سالاسىنداعى قۇقىقتىق ماسەلەلەرگە دەگەن كوزقاراسىن قالىپتاستىرۋعا ىقپال ەتتى.

تۇراقتى دامۋ ماقساتتارىن ىسكە اسىرۋ ءاربىر ازاماتتىڭ، اسىرەسە جاستاردىڭ بەلسەندى قاتىسۋىنا بايلانىستى. قازۇۋ ستۋدەنتتەرى وسى جاۋاپكەرشىلىكتى تەرەڭ ءتۇسىنىپ، دەنساۋلىق ساقتاۋ سالاسىنداعى تەڭدىك پەن ادىلەتتىلىكتى قامتاماسىز ەتۋ جولىندا ءوز ۇلەستەرىن قوسىپ كەلەدى. دەنساۋلىق ساقتاۋ جۇيەسىن نىعايتۋ، ەكولوگيالىق ماسەلەلەردى شەشۋ، جاستاردى سالاۋاتتى ءومىر سالتىنا باۋلۋ، دۇرىس تاماقتانۋ مەن فيزيكالىق بەلسەندىلىكتى ارتتىرۋ ارقىلى دەنى ساۋ ۇرپاق تاربيەلەۋگە بولادى. مەملەكەت پەن قوعام بىرىگىپ، بۇل مىندەتتەردى ورىنداسا، ەلىمىزدىڭ بولاشاعى جارقىن بولادى. سوندىقتان ءاربىر ازاماتتىڭ دەنساۋلىعىن ساقتاۋ، وعان قامقورلىق جاساۋ، سالاۋاتتى ءومىر سالتىن قالىپتاستىرۋ-مەملەكەتتىڭ تابىستى دامۋىنىڭ نەگىزگى كەپىلى.

سۋلەيمەنوۆا س.ج.

ءال-فارابي اتىنداعى قازۇۋ-دىڭ زاڭ فاكۋلتەتى ازاماتتىق قۇقىق، ازاماتتىق ءىس جۇرگىزۋ جانە ەڭبەك قۇقىعى كافەدراسىنىڭ وقىتۋشىسى، زاڭ عىلىمدارىنىڭ دوكتورى، پروفەسسور

Abai.kz