اۋىل شارۋاشىلىعى ءمينيسترى ايداربەك ساپاروۆ ۇكىمەتتەگى بريفينگتە قازاقستانداعى ەت نارىعىنداعى جاعداي باقىلاۋدا ەكەنىن ايتتى.

ونىڭ سوزىنشە، سۇرانىستىڭ ۋاقىتشا ارتۋىنا بايلانىستى باعا ءسال كوتەرىلگەنىمەن، كەيىن قايتا تۇراقتانعان.

«بۇگىن تاڭەرتەڭگى ستاتيستيكا بويىنشا ەتتىڭ ورتاشا باعاسى 3249 تەڭگەنى قۇرادى. كەشە قىزمەتكەرلەرىمدى دۇكەندەر مەن بازارلارعا جىبەردىم. كەي جەرلەردە باعا 3,5-3,6 مىڭ تەڭگە شاماسىندا، ال پرەميۋم ساناتتاعى ەت 4,3-5 مىڭ تەڭگەدەن ساتىلىپ جاتىر. جالپى جاعداي تۇراقتى، ازىرگە وسى دەڭگەي ساقتالىپ وتىر», – دەدى ۆەدومستۆو باسشىسى.

سونداي-اق مينيستر كەلەسى جىلعا بولجام تۋرالى سۇراققا جاۋاپ بەرىپ، باعانىڭ وسۋىنە نەگىز جوق ەكەنىن ايتتى.

«قازىر ءبىز ءتىرى مالدى ەكسپورتتامايمىز، ال ەت ەكسپورتى كۆوتا ارقىلى رەتتەلىپ وتىر. سوندىقتان باعانى قازىرگى دەڭگەيدە ۇستاپ تۇرا الامىز دەپ ويلايمىن», – دەدى ايداربەك ساپاروۆ.

Abai.kz