مەملەكەت باسشىسىنىڭ اقش-قا ساپارى اياسىندا ۆاشينگتوندا حالىقارالىق “قازاق ءتىلى” قوعامى مەن OpenAI, Inc. كومپانياسى ChatGPT-ءدىڭ قازاق تىلىندەگى قىزمەت ساپاسىن ارتتىرۋ جانە ونى تەرەڭ دامىتۋ باعىتىندا بىرلەسە جۇمىس ىستەۋگە كەلىستى.

OpenAI كومپانياسىنىڭ ءبىلىم بەرۋ جانە مەملەكەتتىك باعدارلامالار جونىندەگى جەتەكشىسى كەۆين ميللس پەن حالىقارالىق “قازاق ءتىلى” قوعامىنىڭ پرەزيدەنتى راۋان كەنجەحانۇلى قازاق تىلىندە جاساندى ينتەللەكتىنىڭ ءدال جانە ساپالى جۇمىس ىستەۋ الەۋەتىن ارتتىرۋعا باعىتتالعان بىرلەسكەن باستامالاردى جۇزەگە اسىرۋ جايىن تالقىلادى.

نەگىزگى مىندەت – قازاق تىلىندەگى دەرەكتەر قورىن كوبەيتۋ، تىلدىك مودەلدەردىڭ دالدىگىن جەتىلدىرۋ جانە جۇيەنى ۇلتتىق مادەنيەت، ادەبيەت پەن تاريحقا قاتىستى مازمۇنمەن بايىتۋ.

حالىقارالىق “قازاق ءتىلى” قوعامى ءبىلىم بەرۋ سالاسىن قولداۋ باعىتىندا جۇيەلى جۇمىس جۇرگىزىپ كەلەدى. كەلىسىم ناتيجەسىندە مۇعالىمدەرگە قازاق تىلىندەگى وقۋ باعدارلامالارى مەن ساباق جوسپارلارى، دارىستەر جانە ادىستەمەلىك ماتەريالداردى جاساندى ينتەللەكت قۇرالدارىنىڭ كومەگىمەن ازىرلەۋگە جاڭا مۇمكىندىكتەر اشىلادى.

بۇل سەرىكتەستىك – قازاق ءتىلىن زاماناۋي تەحنولوگيالار كەڭىستىگىندە دامىتۋعا جانە جاھاندىق تسيفرلىق ەكوجۇيەدە ونىڭ ورنىن ايقىندايتىن ماڭىزدى قادام.

ەسكە سالا كەتەيىك، قازاقستان جانە OpenAI جاساندى ينتەللەكتى نەگىزىندە ءبىلىم بەرۋدى دامىتۋ تۋرالى مەموراندۋمعا قول قويدى.

Abai.kz