اقش سيريانىڭ تابىسقا جەتۋى ءۇشىن بار كۇشىن سالادى. بۇل تۋرالى اقش پرەزيدەنتى دونالد ترامپ مالىمدەدى.

— ءبىز سيريانىڭ تابىسقا جەتۋى ءۇشىن قولدان كەلگەننىڭ ءبارىن جاسايمىز، ويتكەنى ول تاياۋ شىعىستىڭ ءبىر بولىگى. بىزدە ەندى تاياۋ شىعىستا بەيبىتشىلىك ورنايدى، — دەدى دونالد ترامپ اق ۇيدە جۋرناليستەر سۇراعىنا جاۋاپ بەرە وتىرىپ.

اقش پرەزيدەنتى سيريالىق ۋاقىتشا پرەزيدەنت احمەد اش-شاراامەن جاقسى بايلانىس ورناتۋعا قول جەتكىزگەنىنە دە توقتالدى.

— ول وتە مىقتى كوشباسشى. <…> ول قاتال ادام. ماعان ول ۇنايدى، مەن سيريانىڭ جاڭا پرەزيدەنتىمەن ءتىل تابىسا الامىن، — دەپ اتاپ ءوتتى اقش پرەزيدەنتى.

ترامپتىڭ پىكىرىنشە، اش-شاراانىڭ ءوز ەلىن العا جەتەلەپ، تابىسقا جەتكىزۋگە شاماسى كەلەدى.

— ءبىز سيريانىڭ تابىستى بولۋىن قالايمىز جانە مەنىڭ ويىمشا بۇل كوشباسشى مۇنىمەن كۇرەسە الادى <…>. كوپشىلىك ونىڭ وتكەن ءومىرىنىڭ اياۋسىز اۋىرتپالىققا تولى بولعانىن ايتادى. ءبىزدىڭ ءبارىمىزدىڭ كەزىندە كورگەن كۇنىمىز وڭاي بولعان جوق، — دەپ قوستى ترامپ.

Abai.kz