بۇۇ قاۋىپسىزدىك كەڭەسى گازا سەكتورىنا قاتىستى اقش ۇسىنعان بەيبىت جوسپار جونىندەگى قاراردى ماقۇلدادى. بۇل تۋرالى ازاتتىق راديوسى جازدى.

اقش پرەزيدەنتى دونالد ترامپتىڭ 20 تارماقتان تۇراتىن بەيبىت جوسپارىنىڭ ەكىنشى كەزەڭىندە گازانى دەميليتاريزاتسيالاۋ ءۇشىن حالىقارالىق تۇراقتاندىرۋ كۇشتەرىن قۇرۋ جانە اۋماقتى باسقارۋدىڭ وتپەلى قۇرىلىمدارىن قالىپتاستىرۋ قاراستىرىلعان.

قاۋىپسىزدىك كەڭەسىنە مۇشە 15 مەملەكەتتەن 13-ءى قاراردى قولداپ داۋىس بەردى. وزدەرىنىڭ ۆەتو قۇقىعىن پايدالانباعان رەسەي مەن قىتاي داۋىس بەرۋ كەزىندە قالىس قالدى.

قاراردا پالەستينا مەملەكەتىنىڭ قۇرىلۋ پەرسپەكتيۆاسى جايلى دا ايتىلعان. اراب ەلدەرىنىڭ تالابىمەن قۇجاتقا ەنگىزىلگەن بۇل تارماققا يزرايل قارسى بولدى.

اقش وكىلدەرى حالىقارالىق تۇراقتاندىرۋ كۇشتەرىنە بىرنەشە ەلدىڭ اسكەري بولىمدەرى كىرەتىنىن ايتتى، بىراق ناقتى قانداي مەملەكەتتەر ەكەنىن ازىرگە ناقتىلاعان جوق.

قارار قابىلدانعاننان كەيىن كوپ ۇزاماي پالەستينالىق حاماس راديكالدى توبى (اقش پەن ەۋرووداقتا تەررورلىق توپ دەپ تانىلعان) بۇل قۇجاتقا قارسىلىق ءبىلدىردى. حاماس جاڭا قارار پالەستينالىقتاردىڭ قۇقىقتارى مەن تالاپتارىن ەسكەرمەيدى دەگەن ءۋاج ايتىپ، ترامپتىڭ جوسپارى "گازا سەكتورىنا حالىقارالىق قامقورلىق تەتىگىن كۇشتەپ تاڭۋدى كوزدەيدى، ال حالقىمىز بەن ونىڭ قوزعالىستارى وندايدى قابىلدامايدى" دەپ مالىمدەدى.

Abai.kz