بەلگىلى بەلسەندى «فەمينيتا» مالىمدەمەسىنە جويقىن جاۋاپ قايتاردى
بەلگىلى قوعام بەلسەندىسى باعيلا بالتاباەۆا پارلامەنتتى لگبت-قوزعالىسىنىڭ قىسىمىنا بەرىلمەۋگە شاقىردى.
باعيلا بالتاباەۆانىڭ سەنات توراعاسى ماۋلەن اشىمباەۆقا ۇندەۋىن وقىرمان نازارىنا ۇسىنامىز.
ۇندەۋ
قۇرمەتتى ماۋلەن ساعاتحانۇلى!
بۇگىن بەلگىلى ءبىر لگبت-اكتيۆيست ءوز ۇندەۋىن جولداپ، لگبت-پروپاگاندانى شەكتەۋ تۋرالى زاڭدى قابىلداماۋدى تالاپ ەتتى.
وسىعان وراي، بارلىق اتا-انالاردىڭ، جاستاردىڭ، ەلگە بەي-جاي قارامايتىن ازاماتتاردىڭ جانە قازاقستان پاتريوتتارىنىڭ اتىنان ءسىزدى لگبت-قوزعالىسى وكىلدەرىنىڭ قىسىمى مەن ارانداتۋشىلىق ارەكەتتەرىنە بوي الدىرماۋعا شاقىرامىز.
ءبىز بۇگىن ءتۇرلى لگبت-اكتيۆيستەردىڭ مەملەكەتتىك ينستيتۋتتارعا ىقپال ەتۋگە جانە قوعامعا وزدەرىنىڭ تەرىس يدەولوگياسىن تاڭۋعا باعىتتالعان اقپاراتتىق شابۋىل جۇرگىزىپ وتىرعانىن كورىپ وتىرمىز.
بالالاردى قورعاۋعا ارنالعان ورىندى شەكتەۋلەردى ولار ادەيى «قۋدالاۋ» نەمەسە «قۇقىق بۇزۋ» دەپ كورسەتەدى، وزدەرىن «جابىرلەنۋشى» رەتىندە تانىتادى. بۇل – جالعان ءارى ارانداتۋ!
ەموتسيالىق قىسىم كورسەتۋ، كوپشىلىك الدىندا ءوز پايداسىنا ويناۋ، ءمان-ماعىنانى بۇرمالاۋ جانە بالالاردىڭ ساناسىنا ەركىن جول اشۋعا ۇمتىلۋ – ولاردىڭ ارەكەتىنىڭ نەگىزگى سيپاتى.
قانداي اقپاراتتىق شۋدىڭ كۇشى بولماسىن، ءسىزدى وسى مانيپۋلياتسيالارعا بەرىلمەۋگە شاقىرامىز.
قازاقستان – ءار ادامنىڭ قۇقىعى قۇرمەتتەلەتىن مەملەكەت!
ءبىز – مادەنيەتىمىزدى، سالت-ءداستۇرىمىزدى، وتباسىلىق جانە ۇلتتىق قۇندىلىقتاردى- بولاشاقتىڭ نەگىزى دەپ بىلەتىن ەلمىز!
ال «بوستاندىق» ۇرانىمەن بالالاردىڭ ساناسىنا ىقپال ەتۋگە جول اشۋ – بۇل ديالوگ ەمەس، ۇلتتىق قۇندىلىقتار جۇيەسىنە كورسەتىلگەن قىسىم.
بۇگىن ءبىز وتباسى تۇراقتىلىعى مەن قوعامنىڭ تۇتاستىعىن، ۇرپاقتار ساباقتاستىعىن ساقتاپ قالۋ سياقتى ماڭىزدى مىندەتكە تاپ بولىپ وتىرمىز. سوندىقتان ۇسىنىلىپ وتىرعان تۇزەتۋلەردى «قۇقىقتاردى شەكتەۋ» دەپ كورسەتۋ – ماسەلەنى ادەيى بۇرمالاپ، ەموتسيالىق اسەر بەرۋگە باعىتتالعان ءتاسىل.
تاعى دا اتاپ وتكىمىز كەلەدى: بۇل تۇزەتۋلەر ەشبىر ازاماتتىڭ قۇقىعىن شەكتەۋگە ارنالماعان.
قازاقستان – ءار ادام جەكە ومىرىنە، قادىر-قاسيەتىنە جانە قاۋىپسىزدىگىنە قۇقىلى مەملەكەت. الايدا مەملەكەت بالالاردى قورعاۋعا مىندەتتى.
وسىعان بايلانىستى سىزدەن سۇرايمىز:
- لگبت-پروپاگاندانى شەكتەۋگە باعىتتالعان تۇزەتۋلەردى قولداۋىڭىزدى;
- مانيپۋلياتسيالىق اقپاراتتىق قىسىمعا بوي الدىرماۋىڭىزدى;
- قانداي جاعداي بولسا دا، تاباندى جانە تۇراقتى ۇستانىم ساقتاۋىڭىزدى.
ساناسى قاتپاعان، ءالى نەنىڭ دۇرىس، نەنىڭ بۇرىس ەكەنىن اجىراتا المايتىن جاس ۇرپاقتى ءبىز قورعاۋ ءبىزدىڭ تىكەلەي مىندەتىمىز جانە سول ءۇشىن مەملەكەت ناقتى، ءارى نىق ارەكەت ەتۋگە ءتيىس!
قازاقستان وزگە يدەولوگيالىق ەكسپەريمەنتتەردى جۇرگىزەتىن الاڭعا اينالماۋى كەرەك!
بىرلەسە وتىرىپ، ءبىز مىندەتتى تۇردە جەڭەمىز!
Abai.kz
