قىرعىز ۆيتسە-پرەمەرى ەدىل بايسالوۆ بۇيدەيدى:

– بىرەۋلەرگە بۇل ءسوزىم ۇناي قويماس، بىراق، بۇگىنگى قىرعىزستان – ورىس الەمىنىڭ ءبىر بولشەگى. ءبىز، ءبارىمىز اقپاراتتى اۋەلى ورىس تىلىندە الامىز، ورىس تىلىندە ويلانامىز، ورىس ادەبيەتىمەن تاربيەلەندىك. كەيبىرەۋلەر ءبىزدىڭ بۇدان ارىلعانىمىزدى قالايدى. ال مەن بولسام، ورىس الەمىنىڭ ءبىر بولشەگى بولعانىمدى ماقتان تۇتام، - دەپتى.

– ولار ءبىزدىڭ ەگەمەندىگىمىز بەن تاۋەلسىزدىگىمىزدى تولىق قۇرمەتتەيدى. مەن بىرنەشە مارتە ءوزىم كۋا بولعانمىن، ولار ءبىز دەسە شىن جاناشىر، ءبىز ءۇشىن شىنىمەن كۇيەتىن ادامدار، - دەپتى.

– جوعارعى كەڭەستە قايسىبىر دەپۋتات ورىسشا سويلەگەن شەندىنىڭ ءسوزىن ءبولىپ، توقتاتۋى دۇرىس ەمەس. ول قىتايشا سويلەپ تۇرعان جوق، قىرعىزستاننىڭ رەسمي تىلىندە سويلەپ تۇر. كەز كەلگەن مەملەكەتتىك تۇلعا كەز كەلگەن ورىندا ورىس تىلىندە سويلەۋگە قۇقىلى، - دەپتى.

– ورىس ءتىلى – تەك رەسەيگە تيەسىلى ءتىل ەمەس. ول قىرعىز حالقىنا دا تيەسىلى ءتىل. ءبىز سول تىلدە ويلانىپ، سول تىلدە كىتاپ جازامىز. اقپاراتتىڭ 75 پايىزىن ورىس تىلىندە الامىز. بىزگە ورىس ءتىلىن ماجبۇرلەپ ۇيرەتۋدىڭ قاجەتى جوق. ويتكەنى، ءبىز ورىس ءتىلىن ماسكەۋگە جاعىنۋ ءۇشىن ەمەس، جۇرەگىمىزدىڭ تورىندە بولعانى ءۇشىن سۇيەمىز، - دەپتى.

وسىلاردى ەستىگەن رەسەي باق-تارى جەردەن جەتى قويان تاپقانداي ءماز بولىپ جاتىر ەكەن...

Abai.kz