تۇركيا پرەزيدەنتى رەجەپ تايىپ ەردوعان قارا تەڭىزدە Kairos پەن Virat تانكەرلەرىنە جاسالعان شابۋىلدارعا قاتىستى مالىمدەمە جاسادى، دەپ حابارلايدى "ادىرنا" ۇلتتىق پورتالى Haber Global-عا سىلتەپ.

بۇل تۋرالى پرەزيدەنت حالىققا ارناعان ۇندەۋىندە ايتتى.

«رەسەي مەن ۋكراينا اراسىنداعى سوعىس قارا تەڭىزدەگى كەمە قاتىناسىنىڭ قاۋىپسىزدىگىنە قاتەر توندىرۋدە. جۇما كۇنى ءبىزدىڭ ەكونوميكالىق ايماقتا ساۋدا كەمەلەرىنە جاسالعان شابۋىلدار جاعدايدىڭ ۋشىققانىن كورسەتەدى. كەمە قاتىناسىنىڭ، ادامداردىڭ ءومىرى مەن قورشاعان ورتانىڭ قاۋىپسىزدىگىنە قاۋىپ توندىرەتىن مۇنداي ارەكەتتەردى اقتاي المايمىز. وسىعان بايلانىستى تاراپتارعا ەسكەرتۋ جاسادىق»، – دەدى ەردوعان.

ەسكە سالساق، 29 قاراشادا قارا تەڭىزدە ورنالاسقان Kairos پەن Virat تانكەرلەرى جاسالعان شابۋىلدار سالدارىنان زاقىمدانعان ەدى.

Abai.kz