جەتىسۋ وبلىسىندا جاستار اراسىندا سپورتتىق مادەنيەتتى قالىپتاستىرۋ، سالاۋاتتى ءومىر سالتىن ناسيحاتتاۋ جانە «زاڭ مەن ءتارتىپ» يدەولوگياسىن كەڭىنەن تاراتۋ ماقساتىندا اۋقىمدى سپورتتىق جوبا - «BZR League» شاعىن فۋتبول تۋرنيرى ۇيىمداستىرىلدى. بۇل ەرەكشە جوبا ساۋدا-ساتتىق سالاسىندا ەڭبەك ەتەتىن جاس ازاماتتاردى بىرىكتىرىپ، ولاردىڭ بوس ۋاقىتىن ءتيىمدى جانە قىزىقتى وتكىزۋگە مۇمكىندىك بەردى.

تۋرنيرگە 8 كوماندا، جالپى 100 جاس قاتىسۋشى قاتىستى. قاتىسۋشىلار قۇرامىنا بازارلار، كوتەرمە ساۋدا ورتالىقتارى، سۋپەرماركەتتەر، ساۋدا جەلىلەرى مەن ءارتۇرلى ساۋدا نۇكتەلەرىندە جۇمىس ىستەيتىن جاستار كىردى. جارىس بارىسىندا قاتىسۋشىلار ءوز جۇمىس كۇندەرىنەن تىس ۋاقىتتارىن ءتيىمدى پايدالانىپ، فۋتبول الاڭىندا شەبەرلىكتەرىن كورسەتۋگە، ءوز كوماندالارىمەن بىرلەسە ويناۋعا جانە ءادىل باسەكەگە تۇسۋگە مۇمكىندىك الدى.

سۋرەت: gov.kz سايتىنان الىندى.

بۇل ءتۋرنيردىڭ باستى ماقساتى – جاستاردىڭ بوس ۋاقىتىن ءتيىمدى ۇيىمداستىرۋ، ولاردىڭ فيزيكالىق جانە پسيحولوگيالىق دامۋىن قولداۋ، سالاۋاتتى ءومىر سالتىن ناسيحاتتاۋ، ءتارتىپ پەن جاۋاپكەرشىلىكتى ارتتىرۋ، كوماندالىق رۋحتى كۇشەيتۋ جانە «زاڭ مەن ءتارتىپ» قاعيداتتارىن سپورت ارقىلى جاستار ساناسىنا ءسىڭىرۋ بولىپ تابىلادى. سونىمەن قاتار، تۋرنير قاتىسۋشىلارعا كاسىبي ورتادان تىس جاڭا تانىستىقتار قۇرۋعا، ءبىر-بىرىمەن سەرىكتەستىك ورناتۋعا، كوماندا ىشىندە جانە كوماندالار اراسىندا دوستىق قارىم-قاتىناس ورناتۋعا مۇمكىندىك بەردى.

تۋرنير بارىسىندا كوماندالار الدىمەن توپتىق كەزەڭدە باق سىناپ، ودان كەيىن ىرىكتەۋ ويىندارىنا ءوتتى. قورىتىندى ماتچتار وتە تارتىستى جانە قىزىقتى ءوتتى.  جەڭىمپاز كوماندالارعا ارنايى ديپلومدار تابىس ەتىلدى.

ءى ورىن – «رۋح» كومانداسى

ءىى ورىن – «تەنلاۋ» كومانداسى

ءىىى ورىن – «شاعان» كومانداسى

سۋرەت: gov.kz سايتىنان الىندى.

«BZR League» ءتۋرنيرى تەك فۋتبول جارىسى عانا ەمەس، ول جاستاردىڭ دەنساۋلىعىن نىعايتىپ، ولاردىڭ سپورتقا دەگەن قىزىعۋشىلىعىن ارتتىراتىن، ءتارتىپ پەن جاۋاپكەرشىلىكتى قالىپتاستىراتىن، سونداي-اق ساۋدا سالاسى قىزمەتكەرلەرىنىڭ بەدەلىن كوتەرەتىن الەۋمەتتىك ماڭىزدى شارا بولىپ سانالادى. وسىنداي باستامالار ارقىلى جاستار ءوز الەۋەتىن تولىق اشىپ، قوعامدىق ومىرگە بەلسەندى قاتىسۋعا، دوستىق جانە بىرلىك سەزىمىن ارتتىرۋعا مۇمكىندىك الادى.

Abai.kz