2025 جىلدىڭ 10 ايىنىڭ قورىتىندىسى بويىنشا بارلىق سالالار بويىنشا ءوسىم بايقالادى - جەتىسۋ وبلىسىنىڭ اكىمى

بيىل جىلدىڭ سوڭىندا جەتىسۋ وبلىسىنىڭ جالپى وڭىرلىك ءونىمى 2,7 ترلن تەڭگەنى قۇرايتىن بولادى. 10 ايدىڭ قورىتىندىسى بويىنشا بارلىق ەكونوميكالىق ينديكاتورلار بويىنشا ءوسىم بايقالادى. جىلدى جاقسى كورسەتكىشتەرمەن اياقتاۋعا تولىق مۇمكىندىك بار، دەدى ءوڭىر اكىمى بەيبىت يساباەۆ وكق الاڭىندا وتكەن ءباسپاسوز كونفەرەنتسياسىندا.

«جىل باسىنان بەرى وبلىس ەكونوميكاسىنا 17% وسىممەن 397 ملرد تەڭگە ينۆەستيتسيا تارتىلدى. وڭىرىمىزدە 2023-2025 جىلدارى 108 مىڭ جۇمىس ورنى قۇرىلدى، ونىڭ ىشىندە 70 مىڭنان استام ادام تۇراقتى جۇمىسقا ورنالاستىرىلدى. ناتيجەسىندە، جۇمىسسىزدىق دەڭگەيى – 4,7%-عا تومەندەدى، اتاۋلى الەۋمەتتىك كومەك الۋشىلار سانى ەكى ەسە ازايدى. ورتاشا ايلىق جالاقى 18%-عا ءوسىپ، 331 مىڭ تەڭگەنى قۇراسا، جان باسىنا شاققانداعى ورتاشا تابىس 19%-عا ۇلعايىپ، 172 مىڭ تەڭگەگە جەتتى»، - دەدى وبلىس اكىمى.

Abai.kz