قازان ايىنىڭ 13-ءى كۇنى، بەلگىلى ساياساتكەر، قوعام قايراتكەرى، «دەموكراتيانى تاراتۋ ورتالىعىنىڭ» ديرەكتورى، قر پارلامەنتى ءماجىلىسى قوعامدىق پالاتاسىنىڭ مۇشەسى دوس كوشىم جانە «دەموكراتيانى تاراتۋ ورتالىعىنىڭ» ۇيلەستىرۋشىسى، قوعام قايراتكەرى بولات دۇيسەنبى پاۆلودار قالاسىندا «قازاقتىلدى ۇكىمەتتىك ەمەس ۇيىمداردى دەموكراتياعا وقىتۋ» تاقىرىبىندا سەمينار وتكىزدى. سەمينارعا وبلىس ورتالىعىنداعى جانە اقسۋ قالاسىنداعى قوعامدىق بىرلەستىكتەردىڭ جەتەكشىلەرى مەن وكىلدەرى قاتىستى.

دوس كوشىم شارا بارىسىندا ۇكىمەتتىك ەمەس ۇيىمداردىڭ قۇقىقتىق مارتەبەسى، ولاردىڭ قىزمەتىن رەتتەيتىن نەگىزگى زاڭدار، قوعامدىق ۇيىمداردىڭ گراندتار بەلگىلەنگەن جوبالارعا قاتىسۋ ءتارتىبى جونىندە كورنەكى قۇرالداردى قولدانا وتىرىپ، زاڭدىق-قۇقىقتىق تۇرعىدان  تۇسىنىك بەردى. سونداي-اق  ءىس-شارالاردى زاڭ شەڭبەرىندە ۇيىمداستىرۋ  تاقىرىبى بويىنشا ترەنينگ وتكىزدى جانە رەسمي قۇجاتتاردى  ساۋاتتى تولتىرۋ ەرەجەلەرى جايىندا ايتىپ، ۇلگىلەرىن كورسەتتى، قاتىسۋشىلاردىڭ ساۋالدارىنا جاۋاپ بەردى.

قازان ايىنىڭ 13-ءى كۇنى، بەلگىلى ساياساتكەر، قوعام قايراتكەرى، «دەموكراتيانى تاراتۋ ورتالىعىنىڭ» ديرەكتورى، قر پارلامەنتى ءماجىلىسى قوعامدىق پالاتاسىنىڭ مۇشەسى دوس كوشىم جانە «دەموكراتيانى تاراتۋ ورتالىعىنىڭ» ۇيلەستىرۋشىسى، قوعام قايراتكەرى بولات دۇيسەنبى پاۆلودار قالاسىندا «قازاقتىلدى ۇكىمەتتىك ەمەس ۇيىمداردى دەموكراتياعا وقىتۋ» تاقىرىبىندا سەمينار وتكىزدى. سەمينارعا وبلىس ورتالىعىنداعى جانە اقسۋ قالاسىنداعى قوعامدىق بىرلەستىكتەردىڭ جەتەكشىلەرى مەن وكىلدەرى قاتىستى.

دوس كوشىم شارا بارىسىندا ۇكىمەتتىك ەمەس ۇيىمداردىڭ قۇقىقتىق مارتەبەسى، ولاردىڭ قىزمەتىن رەتتەيتىن نەگىزگى زاڭدار، قوعامدىق ۇيىمداردىڭ گراندتار بەلگىلەنگەن جوبالارعا قاتىسۋ ءتارتىبى جونىندە كورنەكى قۇرالداردى قولدانا وتىرىپ، زاڭدىق-قۇقىقتىق تۇرعىدان  تۇسىنىك بەردى. سونداي-اق  ءىس-شارالاردى زاڭ شەڭبەرىندە ۇيىمداستىرۋ  تاقىرىبى بويىنشا ترەنينگ وتكىزدى جانە رەسمي قۇجاتتاردى  ساۋاتتى تولتىرۋ ەرەجەلەرى جايىندا ايتىپ، ۇلگىلەرىن كورسەتتى، قاتىسۋشىلاردىڭ ساۋالدارىنا جاۋاپ بەردى.

پاۆلودار قالاسىندا ۇكىمەتتىك ەمەس ۇيىمدار مەن تاۋەلسىز بۇقارالىق اقپارات قۇرالدارىنا ارنالعان وسىنداي سەمينارلار بۇدان بۇرىن دا ۇيىمداستىرىلعان ەدى. بىراق بۇل شارالاردىڭ بارلىعى تەك ورىس تىلىندە  جۇرگىزىلگەندىكتەن، قازاقتىلدى  قوعامدىق ۇيىمدار قاتىسۋدان قالىس قالاتىن. ال وسى جولعى سەمينار  دەموكراتيانى قاستەرلەۋگە مەملەكەتتىك تىلدە وقىتقان العاشقى سەمينار بولىپ تابىلادى، سوندىقتان  قازاقتىلدى ۇكىمەتتىك ەمەس ۇيىمدارعا پايداسى زور بولدى.

دوس كوشىم سەمينار الدىندا ينەۋ-ءدىڭ ستۋدەنتتەرىمەن كەزدەسىپ، مەملەكەتتىك، ۇلتتىق قۇندىلىقتار جونىندەگى وي-پىكىرلەرىن ورتاعا سالدى.

پاۆلودار قالاسى.