2025 جىلدىڭ قاڭتار–قاراشا ايلارىندا قازاقستان ەكونوميكاسىنىڭ ءوسىمى 6,4 پايىزدى قۇرادى. بۇل تۋرالى بۇگىن ۇكىمەتتىڭ كەزەكتى وتىرىسىندا بەلگىلى بولدى.

ەلدىڭ ەكونوميكالىق دامۋىنا ەڭ كوپ ۇلەس قوسقان سالالار – ونەركاسىپ (7,4%) جانە اۋىل شارۋاشىلىعى (6,1%). سونىمەن قاتار كولىك سالاسىندا (+20,3%), قۇرىلىس (+14,7%) جانە ساۋدا (+8,8%) باعىتتارىندا دا ەلەۋلى ءوسىم بايقالعان. پرەمەر-ءمينيستردىڭ ورىنباسارى، ۇلتتىق ەكونوميكا ءمينيسترى سەرىك جۇمانعاريننىڭ ايتۋىنشا، قازاقستان ەكونوميكاسى سوڭعى ايلاردا سىرتقى وزگەرىستەرگە بەيىمدەلىپ، تۇراقتى دامۋ تراەكتورياسىنا شىققان.

«بۇگىن نەگىزگى سالالاردا ايتارلىقتاي سەرپىن بايقالادى. بۇل الەۋمەتتىك باستامالاردى ورىنداۋعا جانە ءىرى ينفراقۇرىلىمدىق جوبالاردى جۇزەگە اسىرۋعا مىقتى نەگىز قالايدى»، – دەدى مينيستر.

Abai.kz