قازاقستاننىڭ ءۇش ءىرى قالاسىندا قايتا وڭدەۋگە جاتپايتىن قالدىقتاردى كادەگە جاراتۋ زاۋىتىن سالىنادى.

بۇل تۋرالى ەكولوگيا جانە تابيعي رەسۋرستار ءمينيسترى ەرلان نىسانباەۆ جىل قورىتىندىسىنا ارنالعان ءباسپاسوز بريفينگى بارىسىندا مالىمدەدى.

ايتۋىنشا، ەلىمىزدە جىل سايىن 4,5 ميلليون توننادان استام كوممۋنالدىق قالدىق پايدا بولادى.

2024 جىلى قالدىقتاردى قايتا وڭدەۋ دەڭگەيى 25,8 پايىزدى قۇراسا، 2025 جىلى بۇل كورسەتكىش 28,6 پايىزعا دەيىن ءوستى. سونىمەن، ۋتيل تولەم قاراجاتى ەسەبىنەن جوبالاردى جەڭىلدەتىلگەن قارجىلاندىرۋ مەحانيزمى اياسىندا قالدىقتاردى باسقارۋ سالاسىندا 63 جوبا ماقۇلداندى. ونىڭ ىشىندە 22 جوبا 89,4 ملرد. تەڭگەگە قارجىلاندىرىلدى. بۇلار: قوقىس تاسىمالدايتىن كولىكتەر، سۇرىپتاۋ جانە قالدىقتاردى قايتا وڭدەۋ جوبالارى، - دەپ اتاپ ءوتتى ۆەدومستۆو باسشىسى.

سونىمەن قاتار ول جوسپارلانعان جوبالاردى جۇزەگە اسىرۋ 2030 جىلعا قاراي قالدىقتاردى قايتا وندەۋ دەڭگەيىن 40 پايىزعا جەتكىزۋگە مۇمكىندىك بەرەدى.

استانا، الماتى جانە شىمكەنت قالالارىندا قول قويىلعان ينۆەستيتسيالىق كەلىسىمدەر اياسىندا جالپى قۇنى 293 ملرد تەڭگەنى قۇرايتىن 3 قايتا وڭدەۋگە جاتپايتىن قالدىقتاردى كادەگە جاراتۋ زاۋىتىن سالۋ جوسپارلانۋدا، قۇرىلىس مەرزىمى 2–3 جىل. بيىل ءبىز قالدىقتاردى باسقارۋ تۇجىرىمداماسىن ازىرلەدىك. بۇل قۇجات قالدىقتاردى تۇگەندەۋدى، تسيفرلاندىرۋدى جانە بارلىق پروتسەستەرگە تۇراقتى مونيتورينگ جۇرگىزۋدى كوزدەيدى، - دەدى ەرلان نىسانباەۆ.

Abai.kz