قازاقستاندا بىرنەشە جۇمىسى بار جانە تابىسى جوعارى ازاماتتار كەلەسى جىلدان باستاپ سالىق دەكلاراتسياسىن تاپسىرۋعا مىندەتتەلەدى. بۇل تۋرالى مەملەكەتتىك كىرىستەر كوميتەتى توراعاسىنىڭ ورىنباسارى جانىبەك نۇرجانوۆ مالىمدەدى، دەپ حابارلايدى Qaz365.kz.

ونىڭ ايتۋىنشا، ەگەر ازاماتتىڭ ءبىر جىلداعى جيىنتىق تابىسى 36 ملن تەڭگەدەن (ايىنا شامامەن 3 ملن تەڭگە) اسسا، ول جەكە تابىس سالىعىن پروگرەسسيۆتى شكالا بويىنشا تولەيدى جانە دەكلاراتسيا تاپسىرۋى كەرەك.

قازىر جەكە تابىس سالىعىنىڭ مولشەرلەمەسى بارلىعى ءۇشىن بىردەي – 10%. الايدا 2026 جىلدان باستاپ جاڭا نالوگ كودەكسىنە سايكەس ەكى دەڭگەيلى جۇيە ەنگىزىلەدى:

• جىلدىق تابىسى 36,7 ملن تەڭگەگە دەيىن (8 500 اەك) – 10%;
• وسى سومادان اسقان تابىسقا – 15%.

ەگەر ادام بىرنەشە جەردە جۇمىس ىستەپ، جىلدىق تابىسى بەلگىلەنگەن شەكتەن اسىپ كەتسە، جۇمىس بەرۋشىلەر 36 ملن تەڭگەگە دەيىنگى تابىستان 10% ۇستايدى. ال ارتىق تۇسكەن سوماعا قوسىمشا 5% سالىقتى ازاماتتىڭ ءوزى دەكلاراتسيا ارقىلى تولەيدى.

جانىبەك نۇرجانوۆتىڭ ايتۋىنشا، بۇل تالاپ ەڭ الدىمەن جوعارى جالاقى الاتىن جانە بىرنەشە تابىس كوزى بار ازاماتتارعا قاتىستى. دەكلاراتسيا تاپسىرۋ – ولاردىڭ جەكە جاۋاپكەرشىلىگى بولادى.

Abai.kz