قش مەملەكەتتىك دەپارتامەنتى حالىقارالىق ساپارعا شىعۋدى جوسپارلاپ وتىرعان ازاماتتارعا ارنالعان تۋريستىك كەڭەستەردى جاڭارتتى.

بىرقاتار ەل، سونىڭ ىشىندە رەسەي، ۋكراينا جانە بەلارۋس ءۇشىن ءتورتىنشى — ەڭ جوعارى قاۋىپ دەڭگەيى ساقتالدى. بۇل وسى مەملەكەتتەرگە بارۋعا تولىق تىيىم سالۋدى بىلدىرەدى.

ۆەدومستۆو بۇل دەڭگەي قاۋىپسىزدىككە ەلەۋلى قاتەر تونەتىن ەلدەرگە تاعايىندالعانىن ءتۇسىندىردى. اقش-تىڭ مۇنداي ەلدەردە ءوز ازاماتتارىنا كومەك كورسەتۋ مۇمكىندىگى ايتارلىقتاي شەكتەۋلى.

— بۇل ەلدەر قاۋىپتى جانە امەريكا قۇراما شتاتتارىنىڭ ءوز ازاماتتارىنا كومەكتەسۋ مۇمكىندىگى شەكتەۋلى. بۇل ەلدەرگە قانداي جاعداي بولماسىن بارۋ ۇسىنىلمايدى، — دەلىنگەن مەملەكەتتىك دەپارتامەنتتىڭ مالىمدەمەسىندە.

تاۋەكەل دەڭگەيى جوعارى ەلدەر تىزىمىنە اۋعانستان، بەلارۋس، بۋركينا-فاسو، ميانما، ورتالىق افريكا رەسپۋبليكاسى، گايتي، يران، يراك، ليۆان، ليۆيا، مالي، نيگەر، سولتۇستىك كورەيا، رەسەي، سومالي، وڭتۇستىك سۋدان، سۋدان، سيريا، ۋكراينا، ۆەنەسۋەلا جانە يەمەن كىرەدى.

ايتا كەتەيىك، اقش ورتالىق ازيا ازاماتتارىنا 15 مىڭ اقش دوللارعا دەيىن ۆيزالىق كەپىل ەنگىزدى.

دەرەككوزى: inform.kz

Abai.kz