قارجىلىق مونيتورينگ اگەنتتىگى بلوگەر قايسار قامزاعا نە ءۇشىن ىزدەۋ جاريالانعانىن ءتۇسىندىردى، دەپ حابارلايدى Ulysmedia.kz.

تولىعىراق

قايسار قامزاعا حالىقارالىق ىزدەۋ جاريالانعان. سوتپەن وعان قاتىستى «قاماۋدا ۇستاۋ» تۇرىندەگى بۇلتارتپاۋ شاراسى سانكتسيالانعان.

نە ءۇشىن كۇدىككە ىلىنگەن

ول زاڭسىز ويىن بيزنەسىنە جاردەمدەستى دەگەن كۇدىككە ىلىنۋدە. كۇدىكتى 5 جىل بويى «Instagram» الەۋمەتتىك جەلىسىندە، «qais_arr» اتاۋىمەن (2,4 ملن جازىلۋشى) بەلسەندى بلوگەرلىك قىزمەت جۇرگىزىپ، سونداي-اق «Telegram»-داعى «قورا ەنتەرتەينمەنت» جابىق ارناسىن (368 مىڭ جازىلۋشى) باسقارعان.

كۇدىكتى الەۋمەتتىك جەلىلەردەگى جەكە اككاۋنتتارىن پايدالانا وتىرىپ، قازاقستان رەسپۋبليكاسىنىڭ ازاماتتارى ءۇشىن «Pinco» سايتىندا تىركەلۋگە جانە قۇمار ويىندارعا قاتىسۋعا باعىتتالعان تىكەلەي سىلتەمەلەردى، گرافيكالىق ەلەمەنتتەردى جانە ۇندەۋلەردى قامتيتىن بەينەماتەريالدار مەن جاريالانىمداردى جۇيەلى تۇردە ورنالاستىرعان. سونىمەن قاتار بەينەروليكتەردىڭ استىندا پايدالانۋشىلارعا بونۋس بەرەتىن جەكە پروموكودىن كورسەتكەن.

- وسىلايشا، قايسار قامزا ازاماتتاردى قۇمار ويىندارعا تارتۋعا باعىتتالعان ونلاين-پلاتفورمانى جارنامالاپ، ويىن پلاتفورماسىنان سىياقىلار، بونۋستار نەمەسە پايىزدىق اۋدارىمدار تۇرىندە تابىس الىپ وتىرعان. زاڭسىز جولمەن الىنعان كىرىستەردى جاسىرۋ ماقساتىندا كۇدىكتى كريپتوامياندى پايدالانعان. وعان «Pinco» ينتەرنەت-كازينوسىنىڭ ۇيىمداستىرۋشىلارىنان تولەمدەر ءتۇسىپ وتىرعان، – دەلىنگەن حابارلامادا.

سوت سانكتسياسىمەن 182 736,741 USDT كولەمىندەگى كريپتواكتيۆتەرگە تىيىم سالىندى.

حابار بەرۋ

قما ەگەر ىزدەۋدە جۇرگەن بلوگەردىڭ ورنالاسقان جەرى تۋرالى قانداي دا ءبىر اقپارات بەلگىلى بولسا، قارجىلىق مونيتورينگ اگەنتتىگىنە كەلەسى بايلانىس نومىرلەرى ارقىلى حابارلاۋدى سۇرايدى:

+7 7172 70 84 78 — كەزەكشى ءبولىم.

Call-center: 1458

Abai.kz