بۇل تۋرالى ەڭبەك جانە حالىقتى الەۋمەتتىك قورعاۋ مينسيترلىگى ءمالىم ەتتى.

2025 جىلى مەملەكەتتىك ەڭبەك ينسپەكتورلارى رەسپۋبليكانىڭ 629 كاسىپورنىندا 11,9 مىڭنان استام جۇمىسكەرگە جالاقى بويىنشا 3,1 ملرد تەڭگەدەن استام سوماعا بەرەشەك بارىن انىقتادى. سونىمەن بىرگە ءتۇرلى ۇيىمداردا جۇرگىزىلگەن تەكسەرۋلەر بارىسىندا ەڭبەك قۇقىعى بۇزىلۋىنىڭ 8,7 مىڭنان استام فاكتىسى انىقتالعان.

جالاقى بويىنشا بەرەشەگى جانە ەڭبەك قۇقىعىنىڭ بۇزىلۋى انىقتالعان كاسىپورىنداردىڭ باسشىلارىنا ورىنداۋعا مىندەتتى 4 245 ۇيعارىم بەرىلدى جانە 524,3 ملن تەڭگەدەن استام سوماعا ايىپپۇل سالىندى.

"قابىلدانعان شارالاردىڭ، ونىڭ ىشىندە جالاقى بويىنشا بەرەشەكتى وتەۋدىڭ قاتاڭ كەستەلەرى مەن مەرزىمدەرىن بەلگىلەۋدىڭ ناتيجەسىندە 11,8 مىڭ جۇمىسكەردىڭ قۇقىقتارى قورعالدى. ولارعا 2,85 ملرد تەڭگە تولەندى", – دەلىنگەن حابارلامادا.

بۇدان باسقا، ەڭبەك زاڭناماسىنىڭ ساقتالۋىنا مەملەكەتتىك باقىلاۋدى قامتاماسىز ەتۋ ماسەلەلەرى قر ەڭبەك جانە حالىقتى الەۋمەتتىك قورعاۋ مينيسترلىگىنىڭ ەرەكشە باقىلاۋىندا.

2025 جىلى مەملەكەتتىك ەڭبەك ينسپەكتورلارى 6 599 تەكسەرۋ جۇرگىزدى، ونىڭ بارىسىندا 8 720 بۇزۋشىلىق انىقتالدى، ونىڭ ىشىندە: ەڭبەك سالاسىندا – 7 089; ەڭبەك قاۋىپسىزدىگى جانە ەڭبەكتى قورعاۋ بويىنشا – 1 585; حالىقتى جۇمىسپەن قامتۋ بويىنشا – 46.

قابىلدانعان شارالاردىڭ ناتيجەسىندە 51 مىڭ جۇمىسكەردىڭ ەڭبەك قۇقىعى قورعالدى.

Abai.kz