قر ۇكىمەتىنىڭ، اتاپ ايتقاندا قارجى مينيسترلىگىنىڭ تاراپىنان كاسىپكەرلەرگە قولداۋ كورسەتۋ، بۋحگالتەرلىك جانە سالىق ەسەپتىلىگىنىڭ ساپاسىن ارتتىرۋعا باعىتتالعان ءبىرشاما جۇمىس اتقارىلىپ كەلەدى.

بيىل 5 قاڭتاردان باستاپ «حالىق بۋحگالتەرى» رەسپۋبليكالىق اكتسياسى قولعا الىنعان بولاتىن. اتالعان باستامانى قارجى مينيسترلىگى بۋحگالتەرلەردىڭ كاسىبي ۇيىمدارىمەن بىرگە جۇزەگە اسىرعان، بۇل جۇمىس سالىق تولەۋشىلەرگە پراكتيكالىق كومەك كورسەتۋدى كوزدەيدى.

كونسۋلتاتسيالىق كەڭەستەر وبلىس ورتالىقتارىندا، سونداي-اق استانا، الماتى جانە شىمكەنت قالالارىندا مەملەكەتتىك كىرىستەر باسقارمالارىنىڭ بازاسىندا وفلاين-قابىلداۋ فورماتىندا تەگىن وتكىزىلىپ جاتىر. اكتسيا 2026 جىلدىڭ 30 ماۋسىمىنا دەيىن جالعاسادى.

قاڭتار-اقپان ايلارىندا كەڭەس اپتاسىنا ءۇش رەت ۇيىمداستىرىلادى – دۇيسەنبى، سارسەنبى جانە جۇما كۇندەرى ساعات: 10.00-دەن 13.00-گە دەيىن.

ال ناۋرىز ايىنان باستاپ قابىلداۋ اپتاسىنا ەكى رەت وتكىزىلەدى. كونسۋلتاتسيالىق پۋنكتتەردىڭ جۇمىس كەستەسى مەن مەكەنجايلارى مەملەكەتتىك كىرىستەر كوميتەتىنىڭ، مكد مەن باسقارمالاردىڭ رەسمي ينتەرنەت-رەسۋرستارىندا جانە الەۋمەتتىك جەلىلەردەگى اككاۋنتتارىندا جاريالانعان. قابىلداۋ ورىندارىندا «حالىق بۋحگالتەرى» بەلگىلەرى كورسەتىلگەن.

اكتسياعا مەملەكەتتىك كىرىستەر ورگاندارىنىڭ قىزمەتكەرلەرى، سونداي-اق 120-دان استام اككرەديتتەلگەن كاسىبي بۋحگالتەر تارتىلعانىن اتاپ وتكەن ءجون.

وسى باستاما باستالعالى بەرى 17,5 مىڭ سالىق تولەۋشى كەڭەس الىپ، 160-تان استام سۇحبات جۇرگىزىلدى.

بەتپە-بەت جۇزدەسۋ فورماتىنداعى جۇمىس ءوز تيىمدىلىگىن كورسەتتى: سالىق تولەۋشىلەرگە بۋحگالتەرلىك ەسەپ، سالىق ەسەپتىلىگى جانە اقپاراتتىق جۇيەلەردەگى جۇمىس ماسەلەلەرىنە بايلانىستى پراكتيكالىق كەڭەستەر بەرىلدى. اكتسيا شەڭبەرىندە ازاماتتارعا بىرقاتار باعىت بويىنشا كونسۋلتاتسيا ۇسىنىلعان:

وڭتايلى سالىق رەجيمىن تاڭداۋ جانە وتپەلى كەزەڭ ماسەلەلەرى بويىنشا;

ارنايى سالىق رەجيمدەرىندەگى سالىق جەڭىلدىكتەرى مەن شەگەرىمدەر;

ەلەكتروندى شوت-فاكتۋرالاردى جازىپ بەرۋ;

ققس شەگى، ققس بويىنشا ەسەپتەن شىعارۋ جانە قويۋ;

ءوزىن-ءوزى جۇمىسپەن قامتىعاندار ءۇشىن رۇقسات ەتىلگەن قىزمەت تۇرلەرى;

سالىق مىندەتتەمەلەرىن ورىنداۋ ءتارتىبى جانە تاعى دا باسقالار.

«حالىق بۋحگالتەرى» اكتسياسى ءساتتى جالعاسىپ كەلەدى. جوبا تۇسىنىكتى، قولجەتىمدى جانە ادامعا باعدارلانعان سالىق ورتاسىن قالىپتاستىرۋعا ارنالعان كەشەندى جۇمىس بولىپ سانالادى.

وسى ورايدا كاسىپكەرلەر مەن ازاماتتاردى تەگىن كاسىبي كەڭەس الىپ، ءوز ساۋاتتىلىعىن ارتتىرۋعا شاقىرامىز!

Abai.kz