باتىس قازاقستان وبلىستىق ۇقك جانە ءىىب قىزمەتكەرلەرى بىرىگىپ، ارنايى وپەراتسيا وتكىزدى. 30 قىركۇيەك كۇنى 16.00. ساعات شاماسىندا ورال قالاسىنىڭ قاق ورتاسىنداعى «امبەباپ دۇكەن» اۋماعىندا تىيىم سالىنعان ءدىني كىتابى، ەسىرتكىسى، ءتىپتى بومباسى بار جەرگىلىكتى تۇرعىن قولعا ءتۇستى. ول ءبىراز ۋاقىتتان بەرى باقىلاۋدا جۇرگەن راديكالدىق ءدىني اعىمنىڭ بەلسەندى مۇشەسى ەكەن. 23 جاسار جىگىتتىڭ «فولكسۆاگەن-گولف-3» جەكە كولىگىن تەكسەرۋ بارىسىندا 2 گرامم گەروين جانە پوليەتيلەندى پاكەتكە سالىنعان 4 جارىلعىش زات تابىلدى. قولدان جاسالعان جارىلعىش بومبانى تروتيلل مەن اممياك سەليترا ارالاستىرىپ جاساعان قانىپەزەرلەر وعان 370 گرامم بولت، گايكا، شەگە قوسىپتى. ونداعى ماقسات - بومبا نەعۇرلىم كوپ ادامدى جاراقاتتاسىن دەگەنى بولسا كەرەك.

باتىس قازاقستان وبلىستىق ۇقك جانە ءىىب قىزمەتكەرلەرى بىرىگىپ، ارنايى وپەراتسيا وتكىزدى. 30 قىركۇيەك كۇنى 16.00. ساعات شاماسىندا ورال قالاسىنىڭ قاق ورتاسىنداعى «امبەباپ دۇكەن» اۋماعىندا تىيىم سالىنعان ءدىني كىتابى، ەسىرتكىسى، ءتىپتى بومباسى بار جەرگىلىكتى تۇرعىن قولعا ءتۇستى. ول ءبىراز ۋاقىتتان بەرى باقىلاۋدا جۇرگەن راديكالدىق ءدىني اعىمنىڭ بەلسەندى مۇشەسى ەكەن. 23 جاسار جىگىتتىڭ «فولكسۆاگەن-گولف-3» جەكە كولىگىن تەكسەرۋ بارىسىندا 2 گرامم گەروين جانە پوليەتيلەندى پاكەتكە سالىنعان 4 جارىلعىش زات تابىلدى. قولدان جاسالعان جارىلعىش بومبانى تروتيلل مەن اممياك سەليترا ارالاستىرىپ جاساعان قانىپەزەرلەر وعان 370 گرامم بولت، گايكا، شەگە قوسىپتى. ونداعى ماقسات - بومبا نەعۇرلىم كوپ ادامدى جاراقاتتاسىن دەگەنى بولسا كەرەك.

الگى ازاماتتىڭ ءۇيىن ءتىنتۋ بارىسىندا 13 ءدىني كىتاپشا، سونداي-اق، ەكسترەميستىك سيپاتتاعى ماتەريالدار جيناقتالعان، سوتپەن تىيىم سالىنعان "كيتاب-ات-تاۋحيد" كىتابىنىڭ كسەروكوشىرمەلەرى تابىلعان. بۇعان قوسا، جارىلعىش زاتتار مەن جارىلعىش قۇرىلعىلار تۋرالى نۇسقاۋلىقتىڭ 28 پاراق كوشىرمەسى، جيحاد جۇرگىزۋ بويىنشا نۇسقاۋلىق جانە ءدىني مازمۇنداعى ماتەريالدارى بار 9 ديسك تاركىلەندى. قازىر ول قاماۋدا، قىلمىستىق ءىس قوزعالدى.
وسىدان ءبىر اي عانا بۇرىن بقو ءىىد ۇيىمداسقان قىلمىسقا قارسى كۇرەس باسقارماسى قىزمەتكەرلەرى مارات تاڭاتوۆ دەگەننىڭ كولىگىنەن اسا ءىرى مولشەردە ەسىرتكى زاتى (ماريحۋانا) مەن شولاق مىلتىق تاۋىپ، قاماۋعا العان بولاتىن. ول ازاماتتىڭ دا شاتاق دىنگە قاتىسى بارلىعى تۋرالى سىبىس ەل ىشىندە گۋلەپ تۇر.

«ءۇش قيان» گازەتى