مەملەكەتتiك قىزمەتتiڭ تيiمدiلiگiنە قويىلاتىن تالاپتاردىڭ ءوسۋi جاعدايىندا مەملەكەتتiك قىزمەتشiلەردiڭ ەڭبەك قۇقىقتارىن ساقتاۋ ەرەكشە ماڭىزعا يە بولادى. بۇل سالاداعى نەعۇرلىم سەزiمتال ماسەلەلەردiڭ بiرi بەلگىلەنگەن جۇمىس ۋاقىتىنان تىس جۇمىس ىستەۋ ماسەلەسى بولىپ قالا بەرەدi, ول تيiستi باقىلاۋ بولماعان كەزدە جۇيەلi سيپاتقا يە جانە قىزمەتتiك جۇكتەمە مەن دەمالۋعا زاڭدى قۇقىق اراسىنداعى تەڭگەرiمنiڭ بۇزىلۋىنا اكەپ سوعۋى مۇمكiن.

قازاقستان رەسپۋبليكاسى مەملەكەتتىك قىزمەت ىستەرى اگەنتتىگىنىڭ اقمولا وبلىسى بويىنشا دەپارتامەنتى مەملەكەتتىك قىزمەتشىلەردى ۇستەمە جۇمىسقا زاڭسىز تارتۋ فاكتىلەرىنىڭ الدىن الۋعا جانە جويۋعا باعىتتالعان جۇمىستى تۇراقتى نەگىزدە جۇزەگە اسىرادى. بۇل قىزمەت قولجەتىمدىلىكتى باقىلاۋ جانە ەسەپكە الۋ جۇيەسىنىڭ مالىمەتتەرىن تالداۋدان، سونداي-اق مەملەكەتتىك ورگاندارعا بارا وتىرىپ جانە بارماي پروفيلاكتيكالىق مونيتورينگتەر جۇرگىزۋدى قامتيتىن كەشەندى تاسىلدەن قۇرىلادى.

2025 جىلعى قولجەتىمدىلىكتى باقىلاۋ جانە ەسەپكە الۋ جۇيەسىنىڭ دەرەكتەرىن تالداۋ ناتيجەلەرى ۇستەمە جۇمىسقا تارتۋ فاكتىلەرىنىڭ بۇرىنعىسىنشا ورىن الىپ وتىرعانىن كورسەتەدى. سونىمەن، ۇستەمە جۇمىسقا جالپى ۇزاقتىعى 560 ساعات 46 مينۋت بولاتىن 224 مەملەكەتتىك قىزمەتشى تارتىلدى. بۇل رەتتە مۇنداي جاعدايلاردىڭ نەعۇرلىم كوپ سانى جەرگىلىكتى اتقارۋشى ورگانداردا تىركەلدى، وندا 179 قىزمەتشى بەلگىلەنگەن جۇمىس ۋاقىتىنان تىس جۇمىس ىستەگەن، ال ورتالىق اتقارۋشى ورگانداردىڭ اۋماقتىق بولىمشەلەرىندە 45 قىزمەتشىنى قۇرايدى.

بۇزۋشىلىقتاردى انىقتاۋ فورمالدى سيپاتتا بولمايتىنى ماڭىزدى. دەپارتامەنت ءاربىر انىقتالعان جاعداي بويىنشا مەملەكەتتىك قىزمەتشىلەردىڭ بۇزىلعان قۇقىقتارىن قالپىنا كەلتىرۋگە باعىتتالعان دەن قويۋ شارالارىن قابىلدايدى. دەپارتامەنتتىڭ حاتتارىن قاراۋ ناتيجەلەرى بويىنشا ءتيىستى مەملەكەتتىك ورگانداردا اكتىلەر شىعارىلدى جانە دەمالىس كۇندەرى (ساعاتتارى) ۇسىنىلدى، بۇل زاڭدا بەلگىلەنگەن تارتىپپەن ۇستەمە جۇمىس ىستەگەن ۋاقىتىن وتەۋگە مۇمكىندىك بەردى.

مەملەكەتتىك قىزمەتشىلەردى دەمالىس جانە مەرەكە كۇندەرى جۇمىسقا تارتۋ مونيتورينگى جۇمىستىڭ جەكە باعىتى بولىپ تابىلادى. 2025 جىلى مۇنداي جۇمىسقا 361 مەملەكەتتىك قىزمەتشى تارتىلدى، ونىڭ ىشىندە 137 جەرگىلىكتى اتقارۋشى ورگاندار جانە 224 ورتالىق اتقارۋشى ورگانداردىڭ اۋماقتىق بولىمشەلەرىنىڭ قىزمەتشىلەرى. بۇل رەتتە 150 قىزمەتشىگە جالپى سوماسى 6 703 345 تەڭگە وتەماقى تولەندى، ال 211 قىزمەتشىگە دەمالىس كۇندەرى (ساعاتتارى) بەرىلدى، بۇل ناقتى جاعدايلارعا بايلانىستى وتەماقىنىڭ ءارتۇرلى زاڭدى تەتىكتەرىنىڭ قولدانىلۋىن كۋالاندىرادى.

قىزمەتتىك جۇكتەمە مەن وتباسىلىق مىندەتتەرى بار قىزمەتشىلەردىڭ ۋاقىتى اراسىنداعى تەڭگەرىمدى قامتاماسىز ەتۋدىڭ ماڭىزدى ەلەمەنتى جۇمىس ۋاقىتىنىڭ يكەمدى كەستەسىن بەلگىلەۋ تاجىريبەسى بولىپ تابىلادى. مەملەكەتتىك ورگانداردان كەلىپ تۇسكەن مالىمەتتەر بويىنشا، يكەمدى جۇمىس كەستەسى 34 مەملەكەتتىك قىزمەتشىگە، ونىڭ ىشىندە 10 جەرگىلىكتى اتقارۋشى ورگاندار جانە 24 ورتالىق اتقارۋشى ورگانداردىڭ اۋماقتىق بولىمشەلەرىنىڭ قىزمەتشىلەرىنە بەلگىلەنگەن. مۇنداي تاجىريبە بەلگىلەنگەن جۇمىس ۋاقىتىنان تىس جۇمىس ىستەۋ تاۋەكەلىن تومەندەتىپ قانا قويماي، قىزمەتتىڭ جالپى تيىمدىلىگىن ارتتىرۋعا مۇمكىندىك بەرەدى.

دەپارتامەنت جوعارىدا اتالعان ءىس-شارالارمەن قاتار مەملەكەتتىك ورگاندارعا بارۋمەن جۇمىس ۋاقىتى رەجيمىنىڭ ساقتالۋىنا مونيتورينگ جۇرگىزەدى. 2025 جىلى مۇنداي ءىس-شارالار 44 مەملەكەتتىك ورگاندا جۇزەگە اسىرىلدى، ناتيجەسىندە 54 بۇزۋشىلىق انىقتالدى. ءاربىر جاعداي بويىنشا دەن قويۋ شارالارى قابىلداندى: 15 اكت جاسالىپ، 32 جەرگىلىكتى اتقارۋشى ورگاندار جانە 22 ورتالىق اتقارۋشى ورگانداردىڭ اۋماقتىق بولىمشەلەرىنىڭ بارلىعى 54 مەملەكەتتىك قىزمەتشىنىڭ قۇقىقتارى قالپىنا كەلتىرىلدى.

بۇل رەتتە دەپارتامەنت قىزمەتىندە باستى نازار بۇزۋشىلىقتاردى انىقتاۋعا عانا ەمەس، ولاردىڭ الدىن الۋعا دا باعىتتالعان. «قازاقستان رەسپۋبليكاسىنىڭ مەملەكەتتىك قىزمەت تۋرالى» قازاقستان رەسپۋبليكاسى زاڭىنىڭ جانە مەملەكەتتىك ورگانداردىڭ جۇمىس ۋاقىتى رەجيمىن ساقتاۋىنا مونيتورينگ جۇرگىزۋ قاعيدالارىنىڭ تالاپتارىن بۇزۋدىڭ الدىن الۋ ماقساتىندا جۇيەلى نەگىزدە مەملەكەتتىك ورگاندارعا دەپارتامەنت قىزمەتىنە شولۋلار جولدانادى، ال جۇرگىزىلگەن مونيتورينگتەردىڭ قورىتىندىلارى ادەپ جونىندەگى كەڭەستىڭ قاراۋىنا شىعارىلادى.

وسىلايشا، جۇمىس ۋاقىتى رەجيمىنىڭ ساقتالۋىن باقىلاۋ جازالاۋ تەتىگى رەتىندە ەمەس، مەملەكەتتىك قىزمەتشىلەردىڭ ەڭبەك قۇقىقتارىن قورعاۋدىڭ جانە جاۋاپتى باسقارۋ مادەنيەتىن قالىپتاستىرۋدىڭ پارمەندى قۇرالى رەتىندە قاراستىرىلادى. وسى باعىتتاعى دايەكتى پروفيلاكتيكالىق جۇمىس مەملەكەتتىك قىزمەتكە دەگەن سەنىمدى ارتتىرۋعا جانە مەملەكەتتىك ورگانداردىڭ قىزمەتىندە زاڭدىلىق پەن ادىلەتتىلىك قاعيداتتارىن نىعايتۋعا ىقپال ەتەدى.

قازاقستان رەسپۋبليكاسى مەملەكەتتىك قىزمەت ىستەرى اگەنتتىگىنىڭ اقمولا وبلىسى بويىنشا دەپارتامەنتىنىڭ مەملەكەتتىك قىزمەت سالاسىن باقىلاۋ باسقارماسى

Abai.kz