اقش ازەربايجاننىڭ اۋماقتىق سۋلارىن قورعاۋدى كۇشەيتۋ ماقساتىندا ەلگە بىرنەشە جاڭا كاتەر جەتكىزۋدى جوسپارلاپ وتىر. بۇل تۋرالى اقش ۆيتسە-پرەزيدەنتى دجەي دي ۆەنس باكۋدە ازەربايجان پرەزيدەنتى يلحام اليەۆپەن بىرگە جاساعان بىرلەسكەن مالىمدەمەسىندە ايتتى.

ونىڭ سوزىنشە، ەكى ەل اراسىندا ىنتىماقتاستىقتىڭ كەڭ اۋقىمدى باعىتتارى بار، ءارى ۆاشينگتون ارىپتەستىكتى تەك قاۋىپسىزدىك سالاسىندا عانا ەمەس، ەكونوميكا باعىتىندا دا نىعايتۋدى كوزدەيدى.

«بىزدە تالقىلايتىن دا، جاريالايتىن دا كوپتەگەن ماسەلە بار.  مەن «ترامپ مارشرۋتىنىڭ» ۇستىمەن العاشقىلاردىڭ ءبىرى بولىپ ۇشىپ وتكەنىمدى ماقتانىشپەن ايتا الامىن. بۇل باعىت ازەربايجاننىڭ ەكى بولىگىن (ناحچىۆان اۆتونوميالىق رەسپۋبليكاسىمەن — رەد.) بايلانىستىرادى. ءبىز بۇل ەكونوميكالىق ىنتىماقتاستىقتى دامىتۋعا، تابيعي رەسۋرستار مەن اسا ماڭىزدى مينەرالدار سالاسىنداعى ءوزارا ارەكەتتەستىكتى كۇشەيتۋگە جانە ازەربايجان مەن ارمەنيا اراسىنداعى تاريحي بەيبىت كەلىسىمدى بەكىتۋگە كومەكتەسەدى دەپ ۇمىتتەنەمىز»، — دەپ اتاپ ءوتتى اقش ۆيتسە-پرەزيدەنتى.

Abai.kz