بۇل تۋرالى "ينتەرفاكس" اگەنتتىگى حابارلادى.  ۇلتتىق كومپانيا "قازمۇنايگاز" (قمگ) رەسەيلىك "لۋكويلمەن" قازاقستانداعى نەگىزگى جوبالار بويىنشا كەلىسسوزدەر جۇرگىزىپ جاتىر، دەپ جازادى inbusiness.kz سايتى.

سانكتسياعا ىلىككەن "لۋكويل" قازاقستانداعى ءىرى مۇناي-گاز جوبالارىنا قاتىسادى:

• قاراشىعاناقتا – 13,5% ۇلەسى بار،
• تەڭىز جوباسىندا – 5%،
• كاسپي قۇبىر كونسورتسيۋمىندا (كقك) – 12,5%.

2025 جىلعى قازاندا اقش "روسنەفت" پەن "لۋكويلعا" بلوكتاۋشى سانكتسيالار ەنگىزگەن ەدى. الايدا اقش قارجى مينيسترلىگى ارنايى ليتسەنزيا ارقىلى كقك، تەڭىزشەۆرويل جانە قاراشىعاناق جوبالارىن سانكتسيالاردان بوساتىپ، ولارمەن مامىلەلەرگە رۇقسات بەردى.

سانكتسيالاردان كەيىن قازاقستان بيلىگى "لۋكويلدىڭ" ۇلەستەرىنىڭ بولاشاعىنا قاتىستى كەڭەسۋدى باستادى. قاڭتاردا ەنەرگەتيكا ءمينيسترى ەلدىڭ ۇلەستى ساتىپ الۋعا باسىم قۇقىعى بار ەكەنىن ايتىپ، ۆاشينگتونعا رەسمي سۇراۋ جولدانعانىن مالىمدەدى.

Reuters دەرەگىنشە، قاڭتار ايىنىڭ سوڭىندا ساۋد ارابياسىنىڭ Midad Energy كومپانياسى "لۋكويلدىڭ" سانكتسياعا تۇسكەن اكتيۆتەرىن ساتىپ الۋ نيەتى تۋرالى كەلىسىمگە قول قويعان. بۇل مامىلە اقش رەتتەۋشىلەرىنىڭ ماقۇلداۋىنا بايلانىستى بولادى.

بۇعان دەيىن "لۋكويل" امەريكالىق Carlyle قورىمەن شەتەلدىك اكتيۆتەرىن (قازاقستانداعى ۇلەستەردەن باسقا) ساتۋ تۋرالى كەلىسىم جاساعان بولاتىن.

سونىمەن قاتار، كومپانيا باسقا الەۋەتتى ساتىپ الۋشىلارمەن، ونىڭ ىشىندە Chevron-مەن دە كەلىسسوزدەر جۇرگىزىپ جاتقانى حابارلادى.

Abai.kz