Centrum Air اۋە كومپانياسىنىڭ ۇشاقتارى 29 ناۋرىزدان «تاشكەنت — استانا» باعىتى بويىنشا رەيس ورىنداي باستايدى، دەپ حابارلايدى Kazinform اگەنتتىگىنىڭ تاشكەنتتەگى مەنشىكتى ءتىلشىسى.

كومپانيادان ءمالىم ەتكەندەي، اتالعان باعىتتا اپتاسىنا ءۇش رەيس جوسپارلانعان. ياعني، ۇشاقتار دۇيسەنبى، جۇما جانە جەكسەنبى كۇندەرى جولاۋشىلار تاسىمالدايدى.

بيلەت قۇنى 2,2 ملن سۋمنان (شامامەن 90 مىڭ تەڭگە) باستالادى. ولاردى كومپانيانىڭ رەسمي سايتىنان جانە ارنايى ساتۋ كەڭسەلەرىنەن الۋعا بولادى.

ەسكە سالايىق، بيىل 30 ناۋرىزدان باستاپ «تاشكەنت — اتىراۋ — تاشكەنت» باعىتى بويىنشا جاڭا اۋە رەيسى اشىلادى.

سونىمەن قاتار، بىلتىر جەلتوقساننان بەرى SCAT اۋە كومپانياسىنىڭ ۇشاقتارى تۇركىستاننان وزبەكستاننىڭ ۇرگەنىش، بۇحارا جانە سامارقاند شاھارلارىنا تىكەلەي رەيس ورىنداپ جاتىر.

Abai.kz