Centrum Air әуе компаниясының ұшақтары 29 наурыздан «Ташкент — Астана» бағыты бойынша рейс орындай бастайды, деп хабарлайды Kazinform агенттігінің Ташкенттегі меншікті тілшісі.

Компаниядан мәлім еткендей, аталған бағытта аптасына үш рейс жоспарланған. Яғни, ұшақтар дүйсенбі, жұма және жексенбі күндері жолаушылар тасымалдайды.

Билет құны 2,2 млн сумнан (шамамен 90 мың теңге) басталады. Оларды компанияның ресми сайтынан және арнайы сату кеңселерінен алуға болады.

Еске салайық, биыл 30 наурыздан бастап «Ташкент — Атырау — Ташкент» бағыты бойынша жаңа әуе рейсі ашылады.

Сонымен қатар, былтыр желтоқсаннан бері SCAT әуе компаниясының ұшақтары Түркістаннан Өзбекстанның Үргеніш, Бұхара және Самарқанд шаһарларына тікелей рейс орындап жатыр.

Abai.kz