بۇگىن جەتىسۋ وبلىسىنا جۇمىس ساپارىمەن كەلگەن قازاقستان رەسپۋبليكاسى توتەنشە جاعدايلار ءمينيسترى، گەنەرال-لەيتەنانت شىڭعىس ءارىنوۆ جانە وبلىس اكىمى بەيبىت يساباەۆ قۇتقارۋشىلارعا ارنايى تەحنيكا كىلتتەرىن تاپسىردى، - دەپ حابارلايدى جەتىسۋ وبلىسى اكىمىنىڭ ءباسپاسوز قىزمەتى.  

تالدىقورعانداعى ورتالىق الاڭدا وتكەن كىلت بەرۋ سالتاناتىندا ءسوز سويلەگەن ءوڭىر باسشىسى وبلىستا توتەنشە جاعدايلار سالاسىنىڭ ماتەريالدىق بازاسىن نىعايتۋعا جۇيەلى تۇردە كوڭىل بولىنەتىنىن ايتتى.

- 2022-2025 جىلداردا 42 دانا تەحنيكا ساتىپ الىنسا، سونىڭ 18-ىنە قاراجات جەرگىلىكتى بيۋدجەت ەسەبىنەن ءبولىندى. سونىمەن قاتار بيىل جەرگىلىكتى بيۋدجەتتەن قارجى ليزينگى ارقىلى ءورت ءسوندىرۋ، قۇتقارۋ بولىمشەلەرىنىڭ قاجەتتىلىكتەرى ءۇشىن 14 بىرلىك تەحنيكا ساتىپ الۋ جوسپاردا بار. بۇدان بولەك، ينفراقۇرىلىمدى جاقسارتۋ ءۇشىن جاڭا ءورت ءسوندىرۋ دەپولارىن سالۋ، قولدانىستاعى عيماراتتاردى جوندەۋ جۇمىستارى جۇرگىزىلىپ جاتىر، - دەگەن بەيبىت يساباەۆ توتەنشە جاعدايلار دەپارتامەنتىنىڭ ماتەريالدىق-تەحنيكالىق بازاسىن كەزەڭ-كەزەڭىمەن جاڭعىرتۋ الداعى ۋاقىتتا دا جالعاساتىنىن جەتكىزدى.

سۋرەت: gov.kz سايتىنان الىندى.

مۇنان سوڭ توتەنشە جاعدايلار ءمينيسترى شىڭعىس ءارىنوۆ ءسوز الىپ:

- مەملەكەت باسشىسىنىڭ قولداۋىمەن ەلىمىزدىڭ بارلىق وڭىرىندە ماتەريالدىق-تەحنيكالىق بازا كۇشەيىپ كەلەدى. اسىرەسە، تابيعاتى كوركەم، ءتورت مەزگىلى مىنەزدى بۇل ايماقتا قۇتقارۋ قىزمەتى ءاردايىم ساقاداي ساي بولۋى ءتيىس. توتەنشە جاعداي ورنىنا جىلدام جەتىپ، شۇعىل كومەك كورسەتۋ ءۇشىن تەحنيكا زامان تالابىنا ساي بولۋى شارت. ازاماتتىق قورعاۋ جۇيەسىنە كورسەتىپ وتىرعان قولداۋى ءۇشىن وبلىس باسشىلىعىنا ريزاشىلىعىمدى بىلدىرەمىن، - دەي كەلە، ۆەدومستۆو باسشىسى قىزمەتتەرىن ادال اتقارىپ جۇرگەن قۇتقارۋشىلارعا ەڭبەكتەرىنىڭ جەمىستى بولۋىنا تىلەكتەستىگىن جەتكىزدى.

جاڭا كولىكتەرگە يە بولعانداردىڭ ءبىرى جاركەنت قالاسىناعى № 11 ءورت ءسوندىرۋ ءبولىمىنىڭ باستىعى، ازاماتتىق قورعاۋ اعا مايورى جانات ءنۇسىپوۆ ءوز پىكىرىن ءبىلدىردى:

- بۇگىن ءبىزدىڭ بولىمگە 2 ارنايى اۆتوكولىك بەرىلدى. بۇل ءبىز ءۇشىن – ۇلكەن قولداۋ. توتەنشە جاعدايدا جەدەل ارەكەت ەتۋگە جانە الدىن الۋعا زور سەپتىگىن تيگىزەدى. جاركەنتتىك قۇتقارۋشىلار كومەك كورسەتۋگە، حالىقتىڭ قاۋىپسىزدىگىن قامتاماسىز ەتۋگە ارقاشان دايىن، - دەدى ول.

بۇدان ءارى قاراي شارا ارنايى كولىك كىلتتەرىن تاپسىرۋ راسىمىمەن جالعاستى. تالدىقورعان قالاسىنداعى، پانفيلوۆ، الاكول، سارقان اۋداندارىنداعى ءورت ءسوندىرۋ بولىمدەرىنە جانە وبلىستىق تجد-عا ءورت ءسوندىرۋ اۆتوتەحنيكاسى، جول تالعامايتىن جەدەل-قۇتقارۋ كولىكتەرى، قۇتقارۋ كاتەرلەرى ت.ب. قاجەتتى تەحنيكالار تاپسىرىلدى.

جەتىسۋ وبلىسى اكىمىنىڭ ءباسپاسوز قىزمەتى.

Abai.kz