وسى اپتادا تۋريزم جانە سپورت مينيسترلىگىنىڭ باستاماسىمەن قازاقستاندا سپورتتىق ءباس تىگۋلەر بويىنشا بارلىق تولەمدەر توقتاتىلدى. بۇعان نارازى بولعان وتاندىق بۋكمەكەرلەر قاۋىمداستىعى پرەزيدەنت قاسىم-جومارت توقاەۆقا اشىق حات جازىپ، ارتىندا رەسەيلىك قۇرىلىمداپر تۇرعان ەسۋ-دىڭ بارلىق بىلىقتارىن جايىپ سالدى.

ارنايى حات Exclusive.kz رەداكتسياسىنىڭ قولىنا ءتۇسىپ، ولار ونداعى ءماتىندى جاريالاعان. حاتتا 2026 جىلعى 5 ناۋرىزداعى جاعداي بويىنشا رەتتەۋشى قۇرال رەتىندە ەسۋ تولىق كولەمدە جۇمىس ىستەمەيتىنى، الايدا، تۋريزم جانە سپورت مينيسترلىگى قىزمەتكەرلەرى پرەزيدەنت اكىمشىلىگىنە بەرگەن ەسەپتەرىندە ونى جۇمىس ىستەپ تۇر دەپ كوزبوياۋشىلىقپەن اينالىساتىنى جازىلعان.

«سونىمەن قاتار ەكى بۋكمەكەرلىك كومپانيا - Fonbet جانە Winline, قازاقستان رەسپۋبليكاسىنىڭ زاڭناماسىن بۇزا وتىرىپ ەسۋ جۇيەسىنە ينتەگراتسيالانعان. ولاردىڭ سەرۆەرلىك ينفراقۇرىلىمى ەلدەن تىس جەردە ورنالاسقان. بۇل «ويىن بيزنەسى تۋرالى» قازاقستان رەسپۋبليكاسى زاڭىنىڭ تالاپتارىنا قايشى كەلەدى. ءوز كەزەگىندە تۋريزم جانە سپورت مينيسترلىگى مەملەكەتتىك ورگاننىڭ فۋنكتسيالارىن ءىس جۇزىندە بەرگەن «Nomapay» جشس قازاقستان رەسپۋبليكاسىنىڭ كاسىپكەرلىك كودەكسىنىڭ 2 جانە 193-باپتارىن بۇزا وتىرىپ، سونداي-اق ەسۋ مەن «Nomapay» جشس اراسىنداعى قاتىناستاردى جەكە قولدانىلاتىن اكت دەپ تانىعان سوت شەشىمىنە قاراماستان، ءوز سايتىن دونەتسك قالاسىنىڭ ۋاقىتشا وككۋپاتسيالانعان اۋماعىنداعى (ۋكراينا) ينفراقۇرىلىمدا ورنالاستىرعان»، - دەپ، حاتتا اشىق كورسەتىلەدى.

سونىمەن قاتار تۋريزم جانە سپورت مينيسترلىگىنىڭ قىزمەتكەرلەرى پرەزيدەنت اكىمشىلىگىن جانە قارجىلىق رەتتەۋشىلەردى جاڭىلىستىرىپ، «ءباس ۇيىمداستىرۋشىلار ەسۋ جۇيەسىنە قوسىلعىسى كەلمەيدى» دەپ مالىمدەۋدە. شىن مانىندە، ءباس ۇيىمداستىرۋشىلار ەسۋ جۇيەسىنە مەملەكەتتىك رەتتەۋ قۇرالى رەتىندە قوسىلۋعا دايىن. ءتىپتى 2024 جىلى تۋريزم جانە سپورت مينيسترلىگى زاڭدى ورىنداۋ مەحانيزمدەرىن قامتاماسىز ەتپەگەندىكتەن، ولار سوتقا جۇگىنۋگە ءماجبۇر بولدى.

«ۇسىنىلعان بارلىق شەشىمدەر تولىق كولەمدە 2024 جىلدىڭ وزىندە ىسكە قوسىلۋى مۇمكىن ەدى. تۋريزم جانە سپورت مينيسترلىگىنىڭ ءوز ءوتىنىشى بويىنشا قازاقستاندىق فينتەح-كومپانيالار 2023 جىلى-اق تەحنولوگيالىق شەشىمدەرىن ۇسىنعان بولاتىن. ولار 2024 جىلى ىسكە قوسىلىپ، كەيىن مەملەكەتتىك ورگاننىڭ بالانسىنا بەرىلمەك ەدى. بۇل ۇسىنىس 2023 جىلى قارجى مونيتورينگى اگەنتتىگىنىڭ، ۇلتتىق بانكتىڭ جانە تۋريزم جانە سپورت مينيسترلىگىنىڭ الاڭدارىندا دەپۋتاتتاردىڭ قاتىسۋىمەن قارالدى. 2024 جىلى تالقىلاۋ «اتامەكەن» ۇلتتىق كاسىپكەرلەر پالاتاسىنىڭ الاڭىندا ۆەدومستۆوارالىق جۇمىس توبى شەڭبەرىندە جالعاستى. وعان تۋريزم جانە سپورت مينيسترلىگى، تسيفرلىق دامۋ مينيسترلىگى، ادىلەت مينيسترلىگى جانە بىرنەشە سالانىڭ وكىلدەرى قاتىستى. تالقىلاۋ كەلىسۋدىڭ سوڭعى كەزەڭىنە جەتىپ، ۇسىنىس ادىلەت مينيسترلىگى مەن تسيفرلىق دامۋ مينيسترلىگى تاراپىنان ماقۇلدانعان كەزدە تۋريزم جانە سپورت مينيسترلىگىنىڭ وكىلدەرى ەشقانداي تۇسىنىكتەمە بەرمەستەن جۇمىس توبىنان شىعىپ كەتتى»، — دەپ كەلتىرىلەدى حاتتا.

ناتيجەسىندە سالادا زاڭ كۇشىنە ەنگەنىمەن، ونى ىسكە اسىراتىن ناقتى قۇرالدار بولماعان جاعداي قالىپتاستى. ءبىر قىزىعى، تۋريزم جانە سپورت مينيسترلىگى مەملەكەتتىك ورگاندار مەن بيزنەس ۇسىنعان شەشىمدەردى ەنگىزۋدەن باس تارتتى. سوت بۇل ءىستى قاراپ، قاۋىمداستىقتىڭ تالابىن قاناعاتتاندىرعان بولاتىن. الايدا تۋريزم جانە سپورت مينيسترلىگى سوت شەشىمىن دە، مەملەكەتتىك ورگانداردىڭ ۇستانىمىن دا ەلەمەي، جۇمىس ىستەمەيتىن رەسەيلىك تسۋپيس جۇيەسىن ەنگىزۋگە تابانداپ وتىرعاندىقتان، وتاندىق بۋكمەكەرلىك نارىقتا تولەم كوللاپسى ورىن الدى.

Abai.kz