قاراعاندى وبلىسىنىڭ اكىمى ەرماعانبەت بولەكپاەۆ ءوڭىر تۇرعىندارىن 15 ناۋرىزدا وتەتىن جالپىحالىقتىق رەفەرەندۋمعا قاتىسۋعا شاقىردى.

ءوڭىر باسشىسى ءوز ۇندەۋىندە رەفەرەندۋم ازاماتتاردىڭ تىكەلەي ەرىك ءبىلدىرۋىنىڭ ماڭىزدى تەتىگى ەكەنىن جانە ەلدىڭ ودان ءارى دامۋ باعىتىن ايقىنداۋعا مۇمكىندىك بەرەتىنىن اتاپ ءوتتى.

— جاڭا كونستيتۋتسيا مەملەكەتتىڭ قازىرگى قاجەتتىلىكتەرىنە جاۋاپ بەرەدى جانە زاماناۋي جاعدايدا ونىڭ تۇراقتىلىعىن نىعايتۋعا باعىتتالعان. نەگىزگى زاڭ قوعام مەن مەملەكەتتىڭ ءوزارا جاۋاپكەرشىلىگىن دە كۇشەيتىپ، ازاماتتاردىڭ قۇقىقتارى مەن مىندەتتەرىن بەكىتەدى. رەفەرەندۋمعا قاتىساتىن قاراعاندى وبلىسىنىڭ تۇرعىنى — بۇل ەل تاعدىرىنا بەيجاي قارامايتىن جانە ۇلتتىڭ بولاشاعى ءۇشىن جاۋاپكەرشىلىكتى سەزىنەتىن ادام، — دەدى ەرماعانبەت بولەكپاەۆ.

اكىم ءوڭىر تۇرعىندارى ازاماتتىق بەلسەندىلىك تانىتىپ، داۋىس بەرۋگە قاتىسادى دەگەن سەنىم ءبىلدىردى.

Abai.kz