جاڭا ادامدار قوزعالىسىنىڭ كوشباسشىسى اسەل بادەنوۆا قازاقستاندىقتارعا ۇندەۋ جاساپ، الداعى رەفەرەندۋم ەل كەلەشەگىنە تىكەلەي اسەر ەتۋگە جانە جاڭا كونستيتۋتسيانى قابىلداۋعا ۇلەس قوسۋعا مۇمكىندىك بەرەتىنىن اتاپ ءوتتى. بۇگىندە قازاقستان قوعام ءۇشىن ماڭىزدى وزگەرىستەر كەزەڭىن وتكەرۋدە، ال ازاماتتاردىڭ بەلسەندى قاتىسۋى ەل دامۋىنىڭ نەگىزگى فاكتورىنا اينالىپ وتىر.

جاڭا كونستيتۋتسيا مەملەكەتتىڭ كەيىنگى دامۋىنىڭ نەگىزى — پروگرەسس، وركەنيەت، تەحنولوگيالىق سەرپىلىس، تسيفرلاندىرۋ جانە جاساندى ينتەللەكتتى دامىتۋ جولى رەتىندە قاراستىرىلادى. قازاقستان الەمدىك ارەنادا اشىقتىق، مادەنيەتارالىق كەلىسىم جانە بەيبىتشىلىك قاعيداتتارىمەن ەرەكشەلەنەدى. ءارتۇرلى مادەنيەتتەر مەن دىندەرگە توزىمدىلىك، كوپتۇرلىلىكتەگى بىرلىك جانە جاسامپاز پاتريوتيزم قوعامنىڭ ماڭىزدى قۇندىلىقتارى بولىپ قالا بەرەدى. بۇل قاعيداتتار دامۋدى، تۇراقتىلىقتى جانە ازاماتتىق قاتىسۋدى نىعايتۋدى كوزدەيتىن ەل بەينەسىن قالىپتاستىرادى.

ەلدىڭ تۇكپىر-تۇكپىرىندەگى  جاڭا ادامدار قوزعالىسىنىڭ بەلسەندىلەرى كۇن سايىن ءپاتريوتيزمدى ءومىر سالتى رەتىندە تاڭدايدى. ولار قوعامنىڭ ماڭىزدى مەملەكەتتىك ۇدەرىستەرگە قاتىسۋ يدەياسىن جەتكىزىپ، قازاقستاندىقتاردى ءوز داۋىس بەرۋ قۇقىعىن پايدالانۋعا شاقىرادى.

اسەل بادەنوۆا، جاڭا ادامدار قوزعالىسىنىڭ كوشباسشىسى:

بىزگە دامىعان قازاقستان قاجەت! مەن جاڭا كونستيتۋتسياعا داۋىس بەرەمىن جانە سىزدەردى 15 ناۋرىز كۇنى رەفەرەندۋمدا وسى جوبانى قولداۋعا شاقىرامىن!

رەفەرەندۋم — ءاربىر ازامات: «مەن ءوز ەلىمنىڭ بولاشاعى تۋرالى شەشىم قابىلداۋعا قاتىستىم» دەپ ايتا الاتىن ءسات. ءاربىر ادامنىڭ داۋىسى ماڭىزدى، ويتكەنى ەلدىڭ دامۋ باعىتىن قوعامنىڭ قاتىسۋى ايقىندايدى.

Abai.kz