الماتىنىڭ المالى اۋدانىندا ناۋرىزناما باعدارلاماسى اياسىندا «سپورت – دوستىق الاڭى» ۇلتتىق سپورت فەستيۆالى ءوتتى.

ءىس-شاراعا اۋدان اكىمدىگىنىڭ وكىلدەرى، ىلە اۋدانىنان كەلگەن رەسپۋبليكالىق انالار قوعامىنىڭ مۇشەلەرى قاتىستى. سونىمەن قاتار فەستيۆالگە اۋدان تۇرعىندارى جانە سپورتتا دارىندى بالالارعا ارنالعان ارناۋلى مەكتەپ-ينتەرنات-كوللەدجىنىڭ وقۋشىلارى قوناق رەتىندە شاقىرىلدى.

سۋرەت: شارا ۇيىمداستىرۋشىلارىنان الىندى.

اشىلۋ راسىمىندە وقۋ ورنىنىڭ باسشىسى ءجاميلا تاناباەۆا قاتىسۋشىلاردى كورىسۋ كۇنى مەرەكەسىمەن قۇتتىقتاپ، جارىسقا قاتىسۋشىلارعا ساتتىلىك تىلەدى.

فەستيۆال باعدارلاماسى اياسىندا ۇلتتىق جانە سپورتتىق ويىندار بويىنشا ءتۇرلى سايىستار ۇيىمداستىرىلدى. قاتىسۋشىلار اسىق اتۋ، كىر تاسىن كوتەرۋ، ارقان تارتۋ، قول كۇرەسى جانە سەكىرتپەمەن سەكىرۋ بويىنشا باق سىناستى. جارىس قورىتىندىسى بويىنشا جەڭىمپازداردى ماراپاتتاۋ ءراسىمى ۇيىمداستىرىلدى. قاتىسۋشىلار مەن كورەرمەندەر ءۇشىن كونتسەرتتىك باعدارلاما ۇسىنىلدى.

ايتا كەتەيىك، فەستيۆالدىڭ نەگىزگى ماقساتى – قالا تۇرعىندارى اراسىندا ۇلتتىق سپورت تۇرلەرىن كەڭىنەن ناسيحاتتاۋ جانە سالاۋاتتى ءومىر سالتىن قالىپتاستىرۋ. 

Abai.kz