سوتسياليستىك ەڭبەك ەرى كۇلاش ايتجانوۆا مەن وليمپيادانىڭ كۇمىس جۇلدەگەرى نۇرباقىت تەڭىزباەۆتىڭ اناسى ىرىسجان تەڭىزباەۆا جاركەنت قالاسىنداعى №735 داۋىس بەرۋ ۋچاسكەسىندە داۋىس بەردى.

دالا ارۋى اتانڭان كۇلاش اپامىز ەلىمىزدەگى ساياسي جانە قوعامدىق ماڭىزدى وقيعالاردان ەش قالىس قالعان ەمەس. قارا جەردىڭ قادىرىن بىلەتىن ەڭبەك ەرى- اتازاڭىمىزداعى وزگەرىستەردى جوعارى باعالايتىنىن ايتادى.

“كونستيتۋتسيادا- جەر جانە جەر رەسۋرستارى حالىقتىڭ مەنشىگى” دەدى . بۇدان ارتىق ءسوز بارما. ءبىز جەر جىرتىپ، جۇگەرى ەگىپ وسىنداي باقىتتى ساتكە قول جەتكىزدىك. بىرلىك پەن ىرىس بار جەردە ءاردايىم قۋانىشتى ساتتەر بولا بەرمەك. ءوزىڭ ءۇشىن، ۇرپاعىڭ ءۇشىن داۋىس بەرۋ، ەلىمىزدىڭ باستاماسىنا ات سالىسۋ بارشامىزدىڭ مىندەتىمىز” دەگەن باتىر انانى داۋىس بەرۋگە كەلگەن تۇرعىندار قۇرمەت كورسەتىپ، اق باتاسىن الۋعا اسىقتى.

ال ىرىسجان تەڭىزباەۆا بۇگىنگى جاساعان تاڭداۋىم نەمەرەلەرىمنىڭ بولاشاعى دەيدى.

ەل قۇرمەتىنe بولەنگەن قوس اق جاۋلىقتى انالار ءوز تاڭداۋلارىن جاساعانىن ايتىپ، وزگەلەردى دە وسىناۋ ساياسي ناۋقاننان شەت قالماۋعا ۇندەدى.

Abai.kz