Axios ءجۋرناليسى باراك راۆيد يزرايلدىك شەنەۋنىككە سىلتەمە جاساپ، يزرايل كاسپي تەڭىزىندەگى يراننىڭ زىمىراندىق كەمەلەرىنە سوققى بەرگەنىن حابارلادى.

بەستەن استام كەمەنىڭ زاقىمدالعانى ايتىلادى. بۇل — سوعىس باستالعالى بەرى ءيزرايلدىڭ كاسپي تەڭىزىندەگى يراندىق نىساندارعا جاساعان العاشقى شابۋىلى.

كەشە ازەربايجان، باحرەين، مىسىر، يوردانيا، كۆەيت، ليۆان، پاكىستان، كاتار، ساۋد-ارابيا، سيريا، تۇركيا، بىرىككەن اراب امىرلىگى قاتىرلى 12 مەملەكەتتىڭ سىرتقى ىستەر مينيسترلەرى ءار-ريادقا جينالىپ يزرايلدىڭ ليۆانعا باسا-كوكتەپ كىرۋىن قاتاڭ ايىپتادى.

«يزرايل ۋاقىتى» گازەتىنىڭ مالىمەتىنشە، كەشە تۇندە يزرايل ۇشاقتارى يراننىڭ كاسپيدەگى بەندەر ەنزەلي پورتىنداعىى نىساندار مەن كەمەلەردى بومبىلاعان.

ساراپشىلاردىڭ پىكىرىنشە يزرايل تاراپ رەسەيدىڭ يرانعا اسكەري كومەكتەرى وسى پورت ارقىلى ءوتىپ جاتىر دەپ ەسەپتەيدى.

كاسپيدە يزرايلدىڭ سەرىكتەسى اقش-تىڭ دا مۇددەسى بار ەكەنى بەلگىلى. يزرايل تارابى كاسپي تەڭىزىنە سوققى جاسايتىنىن ترامپقا ەسكەرتتى مە، ول جاعى بەلگىسىز. ترامپتىڭ ولاردىڭ كەزەكتى ارەكەتىن قۇپ كورمەسى انىق.

كاسپي تەڭىزىنە يران، رەسەي، اقش-تان بولەك قىتاي مەن تۇركيانىڭ مۇددەسى توپتاسقانى بەلگىلى. يزرايلدىڭ كەزەكتى شابۋىلى جاعدايدى ودان ارى ۋشىقتىرۋى مۇمكىن.

باسقاسىن ايتپاعاندا قازاقستاننىڭ قاشاعان مۇناي كەنىشىندە امەريكانىڭ Chevron, ExxonMobil كومپانيالارىنىڭ ۇلەسى بار.

قازاقستاننىڭ يزرايلمەن يبراھيم كەلىسىمىنە، ترامپتىڭ «بەيبىتشىلىك كەڭەسىنە» مۇشە بولعانى بەلگىلى. دەمەك، قازاقستانعا ءدال قازىر يزرايل تاراپىنان كەلەر قاۋىپ جوق دەگەن ءسوز. بىراق قازىرگى سوعىس جاعدايىندا الدىن الا كەسىپ ايتۋ قيىن. جاۋلاسقان ەكى تاراپ تا جاعدايدى ۋشىقتىرۋ ءۇشىن، كۇتپەگەن قادامدارعا بارۋى مۇمكىن.

قازاقستان تارابى بۇل ماسەلەگە بايلانىستى ءالى پىكىر بىلدىرگەن جوق.

Abai.kz