قازاقستاندا «تالگو» قۇرامدارىنىڭ ورنىنا جەتكىزىلەتىن العاشقى Stadler جولاۋشىلار ۆاگوندارىن ءساۋىر ايىندا پايدالانۋعا بەرۋ جوسپارلانىپ وتىر. بۇل تۋرالى كولىك ۆيتسە-ءمينيسترى تالعات لاستاەۆ مالىمدەدى. 

ونىڭ ايتۋىنشا، جاڭا ۆاگونداردىڭ ىسكە قوسىلۋى كوپ كۇتتىرمەي جۇزەگە اسادى.

مەرزىم جاعىنان العاندا – ءساۋىر. قازىر "قازاقستان تەمىر جولى" مەن Stadler اراسىندا تەحنيكالىق تالاپتارعا بايلانىستى بىرقاتار ماسەلە تالقىلانىپ جاتىر، وسى باعىتتاعى جۇمىس جالعاسۋدا، – دەدى ول سەناتتىڭ كۋلۋارىندا بەرگەن سۇحباتىندا.

ۆيتسە-مينيستر سونداي-اق بيىل جالپى 191 ۆاگون شىعارۋ كوزدەلىپ وتىرعانىن اتاپ ءوتتى.

Abai.kz