استانا قالاسى بويىنشا قارجىلىق مونيتورينگ اگەنتتىگىنىڭ (افم) قارجىلىق تەرگەۋ دەپارتامەنتى قازاقستان رەسپۋبليكاسىنىڭ ازاماتى، 1998 جىلعى 23 ماۋسىمدا تۋعان، جەلىدە andersonchik1 لاقاپ اتىمەن تانىمال يليار يۋۆاشەۆكە مەملەكەتارالىق ىزدەۋ جاريالادى

ول ەل اۋماعىندا ليتسەنزياسىز جۇمىس ىستەگەن زاڭسىز ينتەرنەت-كازينو قىزمەتىن ۇيىمداستىرۋعا كومەكتەستى دەگەن كۇدىككە ىلىنگەن. تەرگەۋ دەرەكتەرىنە سۇيەنسەك، 2024–2025 جىلدارى يۋۆاشەۆ mellstroy.game رەسۋرسىن قوسا العاندا، ينتەرنەت-كازينو جەلىسىن قۇرۋعا جانە باسقارۋعا قاتىسقان.

قارجى اعىندارىن زاڭداستىرۋ جانە وپەراتسيالاردى جاسىرۋ ءۇشىن 22 جالعان زاڭدى تۇلعا، POS-تەرمينالدار مەن ەلەكتروندى تولەم قۇرالدارى پايدالانىلعان. وسى جۇيە ارقىلى وتكەن ويىنشىلار قاراجاتىنىڭ جالپى كولەمى 3,6 ملرد تەڭگەدەن اسادى.

افم دەپارتامەنتى ىزدەۋدە جۇرگەن ادامنىڭ جۇرگەن جەرى تۋرالى مالىمەتى بار ازاماتتاردان كەزەكشى بولىمگە مىنا تەلەفوندار ارقىلى حابارلاسۋدى سۇرايدى:

+7 7172 70 84 79 (ىشكى 21384)

Call-center: 1458

انونيمدىك پەن سىياقىعا كەپىلدىك بەرىلەدى.

سونىمەن قاتار بەلارۋس رەسپۋبليكاسىنىڭ ازاماتى اندرەي بۋريمگە قاتىستى تەرگەۋ جالعاسىپ جاتىر. «Mellstroy» لاقاپ اتىمەن تانىمال بلوگەر الەۋمەتتىك جەلىلەر ارقىلى ينتەرنەت-كازينونى ناسيحاتتاپ، TikTok, YouTube Shorts جانە باسقا پلاتفورمالاردا كونكۋرستار مەن چەللەندجدەر ۇيىمداستىرعان. ول دا حالىقارالىق ىزدەۋگە جاريالانعان.

تەرگەۋ مالىمەتىنشە، زاڭسىز ينتەرنەت-كازينو قىزمەتى ازاماتتاردى، سونىڭ ىشىندە كامەلەتكە تولماعانداردى قۇمار ويىندارعا تارتۋ ارقىلى ەلەۋلى الەۋمەتتىك جانە ەكونوميكالىق زيان كەلتىرگەن. بۇل لۋدومانيانىڭ وسۋىنە، حالىق تابىسىنىڭ جوعالۋىنا جانە كاپيتالدىڭ وفشورلىق يۋريسديكتسيالارعا كەتۋىنە ىقپال ەتكەن.

Abai.kz