بۇل وسىمگە قوسىمشا فاكتور رەتىندە الەمدىك نارىقتاعى جاعداي اسەر ەتتى، دەپ حابارلايدى baq.kz. 

قازاقستان 2025 جىلدىڭ قورىتىندىسى بويىنشا ۆولفرام وندىرەتىن الەمدەگى ءىرى ەلدەردىڭ قاتارىنا ەنىپ، ءۇشىنشى ورىندى يەلەندى.

رەسپۋبليكالىق تاۋ-كەن جانە تاۋ-مەتاللۋرگيا كاسىپورىندارى قاۋىمداستىعىنىڭ مالىمەتىنشە، ءوسىم بوگۋتين كەن ورنىن ىسكە قوسۋ ەسەبىنەن قامتاماسىز ەتىلدى، وندا كەندى كونتسەنتراتقا دەيىن وڭدەۋ باستالدى.

قوسىمشا فاكتور رەتىندە الەمدىك نارىقتاعى جاعداي اسەر ەتتى: قىتاي 2025 جىلدىڭ اقپانىندا ۆولفرام ەكسپورتىن شەكتەگەننەن كەيىن، 2026 جىلدىڭ ناۋرىزىنا قاراي مەتالل باعاسى بەس ەسەدەن استام ءوستى.

2025 جىلى قازاقستان العاش رەت ۆولفرام كونتسەنتراتتارىن ەكسپورتتاي باستادى. شەتەلگە جالپى كولەمى 3,7 مىڭ توننا ءونىم 71 ملن دوللار سوماسىنا جەتكىزىلدى، نەگىزگى ساتىپ الۋشى قىتاي بولدى.

– باسقا دەرەككوزدەردىڭ مالىمەتتەرى دە قازاقستاننىڭ الەمدىك ۆولفرام نارىعىندا ايتارلىقتاي ۇلەسكە يە بولعانىن راستايدى. اقش گەولوگيالىق قىزمەتىنىڭ (USGS) اقپاراتىنا سايكەس، 2025 جىلدىڭ قورىتىندىسى بويىنشا قازاقستان ۆولفرام ءوندىرۋ كولەمى جونىنەن العاشقى ۇشتىككە كىردى (تازا مەتاللعا شاققاندا 2,4 مىڭ توننا), قىتايدان (67,0 مىڭ) جانە ۆەتنامنان (3,0 مىڭ) كەيىن تۇر. جاقىن بولاشاقتا امەريكالىق ينۆەستورلاردىڭ قولداۋىمەن قازاقستاننىڭ الەمدىك ۆولفرام نارىعىنداعى ماڭىزى ارتا تۇسەدى، – دەپ جازىلعان حابارلامادا.

Abai.kz