اتىراۋدا پوليتسيا باسشىلارى قىزمەتىنەن الىندى
ءىىم تەكسەرىسىنەن كەيىن اتىراۋ وبلىسىندا جوعارى لاۋازىمدى باستىقتار قىزمەتىنەن بوساتىلدى.
ىشكى ىستەر ءمينيسترى اتىراۋ قالالىق پوليتسيا باسقارماسىنىڭ باستىعىن، سونداي-اق وبلىستىق پوليتسيا دەپارتامەنتىنىڭ وزىندىك قاۋىپسىزدىك باسقارماسى مەن ەسىرتكى قىلمىسىنا قارسى ءىس-قيمىل باسقارماسىنىڭ باسشىلارىن قىزمەتىنەن شەتتەتتى.
ءىىم اتاپ وتكەندەي، وڭىرلىك پوليتسيا دەپارتامەنتىندە قىزمەتتىك تەكسەرىس قورىتىندىسى بويىنشا ءتارتىپ بۇزۋشىلىقتار مەن جۇمىستى ۇيىمداستىرۋداعى كەمشىلىكتەر انىقتالعان. «اۋماقتىق بولىنىستەردىڭ قىزمەتىنە جوسپارلى قىزمەتتىك تەكسەرۋلەر تۇراقتى تۇردە جۇرگىزىلىپ تۇرادى»، — دەپ ءتۇسىندىردى ۆەدومستۆو وكىلدەرى.
جاقىندا قىزمەتكەرلەردىڭ شاعىمىنان كەيىن ەسىرتكى قىلمىسىنا قارسى ءىس-قيمىل كوميتەتىنىڭ توراعاسى دانيار مەيىرحانعا قاتىستى سوتقا دەيىنگى ءىس-جۇرگىزۋ تەكسەرىسى باستالعانى بەلگىلى بولدى.
Abai.kz
